Kagiso Rabada IPL Record twitter/@pbks
Sports

Kagiso Rabada IPL Record: रबाडाने मोडला IPL मधील सर्वात मोठा रेकॉर्ड; मुंबई इंडियन्सच्या मलिंगालाही टाकलं मागे

Rabada IPL Record : पंजाबचा वेगवान गोलंदाज कगिसो रबाडाने आयपीएलचा मोठा विक्रम आपल्या नावावर केला आहे.

Satish Daud

Kagiso Rabada fastest 100 Wickets Record : आयपीएलच्या यंदाच्या हंगामातील १८ व्या सामन्यात एक मोठा विक्रम मोडला गेला आहे. गुरूवारी सायंकाळी आयपीएलमध्ये गुजरात टायटन्स आणि पंजाब किंग्ज हे दोन संघ आमने-सामने आले होते. अगदी शेवटच्या चेंडूपर्यंत श्वास रोखून धरायला लावणाऱ्या या सामन्यात गुजरात टायटन्सने बाजी मारली.

प्रथम फलंदाजी करताना पंजाबने गुजरातसमोर विजयासाठी १५४ धावांचे आव्हान ठेवले होते. गुजरातने १ चेंडू राखून पंजाबचा ६ विकेट्स राखून पराभव केला. पंजाबची फलंदाजी आणि गोलंदाजी दोन्ही फ्लॉप ठरले. (Latest sports updates)

मात्र, यादरम्यान पंजाबचा वेगवान गोलंदाज कगिसो रबाडाने आयपीएलचा मोठा विक्रम आपल्या नावावर केला आहे. रबाडाने मुंबई इंडियन्सचा गोलंदाज आणि सिनियर खेळाडू लसिथ मलिंगाचा विक्रम मोडीत काढला आहे. (Latest Marathi News)

कगिसो रबाडाने गुजरातचा फलंदाज वृद्धिमान साहाची विकेट घेत आयपीएलमध्ये आपल्या १०० विकेट्स पूर्ण केल्या आहेत. इंडियन प्रीमियर लीगमध्ये सर्वात जलद १०० विकेट घेणारा तो अव्वल गोलंदाज ठरला आहे. यासह रबाडाने श्रीलंकेच्या अनुभवी लसिथ मलिंगाला मागे टाकले. मलिंगाने आपल्या ७० व्या आयपीएल सामन्यात १००वी विकेट घेतली होती.

रबाडाने सर्वात कमी चेंडूं टाकत घेतल्या १०० विकेट्स

कगिसो रबाडाने सर्वात कमी डावात  (IPL 2023) ही कामगिरी केली आहे. त्याचबरोबर त्याने उर्वरित गोलंदाजांच्या तुलनेत कमीत कमी चेंडू टाकले आहेत. रबाडाने आयपीएलमध्ये १०० विकेट पूर्ण करण्यासाठी एकूण १४३८ चेंडू टाकले आहेत. यामध्ये, लसिथ मलिंगाचे नाव दुसर्‍या क्रमांकावर आहे. त्याने १६२२ चेंडूंमध्ये १०० विकेट पूर्ण केल्या आहेत.

आयपीएलमध्ये सर्वात जलद १०० विकेट घेणारे खेळाडू

कगिसो रबडा - ६४ सामने

लसिथ मलिंगा - ७० सामने

भुवनेश्वर कुमार - ८१ सामने

राशिद खान - ८३ सामने

अमित मिश्रा - ८३ सामने

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pitru Paksha 2025 : पितृंचे तर्पण करताना लक्षात ठेवा हे नियम

'ही शान कुणाची, लालबागच्या राजाची!' मंडपाबाहेर येताच देशभक्तीवर गाणं वाजलं, भाविकांच्या अंगावर काटा अन् डोळ्यात अश्रू

Akshay Kumar: अक्षय कुमारचा दिलदारपणा; पूरग्रस्तांना केली ५ कोटींची मदत, म्हणाला 'ही माझी...

Anant Chaturdashi 2025 live updates : लालबागचा राजा मंडपातून बाहेर; फुलांचा वर्षाव करत मानवंदना; VIDEO

Viral Video: पेट्रोल पंपावर महिलांचा राडा, आधी चप्पल फेकून मारली, नंतर जमिनीवर आपटलं!

SCROLL FOR NEXT