भारत आणि पाकिस्तान या दोन्ही संघांमधील हाय व्हॉल्टेज सामना दुबईतील दुबई आंतरराष्ट्रीय क्रिकेट स्टेडियमवर सुरु आहे. या सामन्यासाठी भारताची वेगवान गोलंदाजीची तोफ म्हणून ओळखला जाणारा हार्दिक पंड्या देखील दुबईत दाखल झाला आहे. जसप्रीत बुमराह दुखापतीमुळे ही स्पर्धा खेळू शकला नाही. मात्र तो भारतीय संघाला सपोर्ट करण्यासाठी स्टँड्समध्ये उपस्थित आहे.

दुखापतीमुळे झाला संघाबाहेर

भारत आणि ऑस्ट्रेलिया या दोन्ही संघांमध्ये झालेल्या बॉर्डर गावसकर ट्रॉफीत भारतीय संघाला ३-१ ने पराभवाचा सामना करावा लागला होता. या मालिकेतील शेवटच्या सामन्यादरम्यान बुमराह दुखापतीमुळे संघाबाहेर झाला होता. त्यामुळे तो शेवटच्या षटकात गोलंदाजी करु शकला नव्हता. त्यानंतर त्याला इंग्लंडविरुद्धच्या वनडे मालिकेदरम्यानही स्थान देण्यात आलं नव्हतं. पूर्णपणे फिट नसल्यामुळे त्याला चॅम्पियन्स ट्रॉफीसाठी भारतीय संघात स्थान देण्यात आलेलं नाही.

आयसीसी चॅम्पियन्स ट्रॉफीतील या सामन्यात पाकिस्तानने नाणेफेक जिंकून प्रथम फलंदाजी करण्याचा निर्णय घेतला. संघातील प्रमुख फलंदाज फखर जमान बाद झाल्यानंतर त्याच्या जागी इमाम उल हकला संधी देण्यात आली आहे.

हा हाय व्होल्टेज सामना पाहण्यासाठी बुमराह स्वत: दुबईत पोहोचला आहे. बुमराह मैदानात आला, त्यावेळी तो आयसीसीच्या ट्रॉफीसोबत फोटो शूट करताना दिसून आला. यासह त्याने विराट कोहलीलाली मिठी मारली. ज्याचा व्हिडिओ सध्या व्हायरल होतोय.

या सामन्यासाठी अशी आहे दोन्ही संघांची प्लेइंग ११:

भारत (Playing XI): रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (यष्टीरक्षक), हार्दिक पांड्या, रवींद्र जडेजा, हर्षित राणा, मोहम्मद शमी, कुलदीप यादव.

पाकिस्तान (Playing XI): इमाम-उल-हक, बाबर आझम, सौद शकील, मोहम्मद रिझवान (यष्टीरक्षक/कर्णधार), सलमान आघा, तय्यब ताहीर, खुशदिल शाह, शाहीन आफ्रिदी, नसीम शाह, हरीस रौफ, अब्रार अहमद.