आयपीएल २०२४ स्पर्धेतील २७ वा सामना पंजाब किंग्ज आणि राजस्थान रॉयल्स या दोन्ही संघांमध्ये पार पडला. या सामन्यात आपल्या घरच्या मैदानावर खेळत असलेल्या पंजाब किंग्ज संघाला पराभवाचा सामना करावा लागला आहे. या सामन्यानंतर गुणतालिकेत मोठा फेरबदल झाल्याचे पाहायला मिळाले आहे.

हा सामना जिंकल्यानंतर राजस्थान रॉयल्सचा संघ पहिल्या स्थानी कायम आहे. या सामन्यापूर्वी देखील राजस्थान रॉयल्सचा संघ पहिल्या स्थानी कायम होता. संजू सॅमसनच्या नेतृत्वाखाली खेळणाऱ्या राजस्थान रॉयल्स संघाने आतापर्यंत ६ सामने खेळले आहेत. यादरम्यान या संघाला ५ सामने जिंकता आले आहेत. यासह राजस्थान रॉयल्सचा गुणतालिकेत अव्वल स्थानी आहे. तर पंजाब किंग्जचा संघ गुणतालिकेत ८ व्या स्थानी आहे. या संघाने ६ सामने खेळले आहेत. यादरम्यान केवळ २ सामन्यांमध्ये विजय मिळवता आला आहे.

टॉप ४ मध्ये कोणते संघ?

तसेच गुणतालिकेतील टॉप ४ संघांबद्दल बोलायचं झालं तर, राजस्थान रॉयल्स अव्वल स्थानी आहे. तर कोलकाता नाईट रायडर्सचा संघ दुसऱ्या स्थानी, चेन्नई सुपर किंग्जचा संघ तिसऱ्या स्थानी आणि लखनऊ सुपर जायंट्सचा संघ चौथ्या स्थानी आहे.

तर उर्वरित संघांबद्दल बोलायचं झालं तर, सनरायझर्स हैदराबादचा संघ पाचव्या स्थानी आणि गुजरात टायटन्सचा संघ सहाव्या स्थानी आहे. दोन्ही संघांकडे प्रत्येकी ६-६ गुण आहेत. हैदराबादने आतापर्यंत ५ सामने खेळले आहेत. यापैकी ३ सामन्यांमध्ये विजय मिळवता आला आहे. तर दुसरीकडे गुजरात टायटन्सने देखील ६ पैकी ३ सामने जिंकले आहेत. त्यानंतर मुंबई इंडियन्सचा संघ सातव्या स्थानी, पंजाब किंग्जचा संघ आठव्या स्थानी आणि दिल्ली कॅपिटल्सचा संघ नवव्या स्थानी आहे. तर रॉयल चॅलेंजर्स बंगळुरूचा संघ गुणतालिकेत सर्वात शेवटी आहे.