IPL 2023 News : इंडियन प्रीमियर लीगच्या 16वा सीजन उद्यापासून सुरु होत आहे. सर्वच क्रिकट प्रेमी क्रिकेटच्या या उत्सवासाठी सज्ज आहेत. दहाच्या दहा टीम देखील आयपीएल चषकावर आपलं नाव कोरण्यासाठी कसून सराव करत आहेत. त्याआधी आयपीएल ट्रॉफीसोबत संघांच्या कर्णधारांचं फोटोसेशन पार पडलं.

मात्र हे फोटो सेशन पाहून अनेकांना धक्काच बसला आहे. कारण मुंबई इंडियन्सचा कर्णधार रोहित शर्मा या फोटो सेशनमध्ये दिसत नाहीये. त्यामुळे रोहित कुठेय? असा प्रश्न आता सगळे विचारत आहेत.

रोहित नेमका कुठे आहे? रोहितला काही दुखापत झाली आहे का? की रोहित कुठे बाहेर आहे? असे अनेक प्रश्न आता क्रिकेट रसिकांना, मुंबई इंडियन्स फॅन्सना आणि रोहित शर्माच्या फॅन्सना पडले आहेत.

मात्र आयपीएल व्यवस्थापनाने केलेल्या या फोटो सेशनमध्ये केवळ 9 संघांचेच कर्णधार दिसत आहेत. रोहित शर्मा काही कारणाने येथे येऊ शकला नसेल, तर मुंबई इंडियन्सकडून एखादा दुसरा खेळाडू देखील पाठवता आला असता, असा प्रश्न देखील उपस्थित केला जात आहे.

आयपीएलच्या या फोटोवर युजर्स कमेंट करुन रोहित शर्मा कुठे आहे असं विचारत आहे. तर एका युजरने थेट म्हटलं की, रोहित शर्मा ट्रॉफी घ्यायला येईल. मुंबई इंडियन्स यावर्षी आयपीएल खेळणार नाही, असं देखील युजर्स विचारत आहे. त्यामुळे आता मुंबई इंडियन्स किंवा रोहित शर्माकडून काय प्रतिक्रिया येते यावर सर्वांचं लक्ष लागलं आहे.