indian womens team twitter
Sports

IND-W vs WI-W: टीम इंडियाची दमदार सुरुवात! सराव सामन्यात वेस्टइंडीजचा दारुण पराभव

ICC Womens T20 World Cup 2024: भारतीय महिला टी-२० संघाने टी-२० वर्ल्डकप स्पर्धेतील सराव सामन्यात वेस्टइंडीजला धूळ चारली आहे.

Ankush Dhavre

भारतीय महिला संघ आयसीसी टी -२० वर्ल्डकप २०२४ स्पर्धेसाठी सज्ज झाला आहे. या स्पर्धेला सुरुवात होण्यापूर्वी सराव सामन्यांचा थरार सुरू आहे. दरम्यान पहिल्या सराव सामन्यात भारतीय महिला संघाने वेस्टइंडीजला २० धावांनी धूळ चारली आहे. या सामन्यात फलंदाजी करताना जेमिमा रॉड्रिग्जने शानदार अर्धशतकी खेळी केली. तर पूजा वस्त्राकरने ३ गडी बाद केले.

या सामन्यात भारतीय संघ प्रथम फलंदाजी करण्यासाठी मैदानात उतरला. भारतीय संघाने प्रथम फलंदाजी करताना २० षटकअखेर ८ गडी बाद १४१ धावांपर्यंत मजल मारली. या सामन्यात भारतीय संघातील मुख्य फलंदाज शेफाली वर्मा आणि स्मृती मंधाना हे दोघेही फ्लॉप ठरले. शेफाली वर्मा ७, स्मृती मंधाना १४ तर हरमनप्रीत कौर केवळ १ धाव करत माघारी परतली.

भारतीय संघाकडून फलंदाजी करताना जेमिमा रॉड्रिग्ज चमकली. तिने ५२ धावांची शानदार अर्धशतकी खेळी केली. तर यस्तिका भाटियाने २४ धावांचे योगदान दिले. वेस्टइंडीजकडून गोलंदाजी करताना हेली मॅथ्यूजने १७ धावा खर्च करत ४ गडी बाद केले.

वेस्टइंडिजला जिंकण्यासाठी १४२ धावांची गरज

भारतीय संघाने वेस्टइंडीजला हा सामना जिंकण्यासाठी १४२ धावांचे आव्हान दिले होते. या आव्हानाचा पाठलाग करताना वेस्टइंडीजलाही हवी तशी सुरुवात करता आली नाही. किआना जोसेफ १ तर हेली मॅथ्यूज शून्यावर माघारी परतली.

त्यानंतर शमेन कॅम्पबेलने २० धावांचे योगदान दिले. शिनेल हेनरीने नाबाद ५९ धावांची खेळी करत संघाला विजय मिळवून देण्याचा प्रयत्न केला. मात्र वेस्ट इंडीजला अवघ्या १२१ धावा करता आल्या. भारतीय पुरुष संघाने काही महिन्यांपूर्वीच टी-२० वर्ल्डकपची ट्रॉफी उंचावली आहे. आता भारतीय महिला संघानेही सराव सामन्यात बलाढ्य वेस्टइंडीजला पराभूत करत जेतेपदासाठी प्रबळद दावेदार असल्याचं दाखवून दिलं आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: ठाण्याच्या जून्या कोपरी पुल आठ दिवस वाहतूकीसाठी बंद...

Manikrao Kokate: इडापिडा टळो, संकट दूर होवो; माणिकराव कोकाटे शनिदेवाच्या चरणी लीन|VIDEO

Shravan 2025: श्रावणात दाढी का करू नये? कारणे आणि धार्मिक परंपरा

मुंबई-पुण्यातील प्रवास महागणार, ५० टक्क्यांची वाढ होणार, ओला-उबरच्या संपानंतर सरकार घेणार मोठा निर्णय

Oil India Recruitment: ऑइल इंडियामध्ये सरकारी नोकरीची संधी; मिळणार भरघोस पगार; अर्ज कसा करावा?

SCROLL FOR NEXT