भारत आणि दक्षिण आफ्रिका यांच्यातील ५ सामन्यांच्या टी-२० मालिकेतील पहिला सामना आज कटकमधील बाराबती स्टेडियमवर खेळला गेला. दोन महिन्यांनी सुरू होणाऱ्या टी-२० विश्वचषकाच्या तयारीसाठी ही टी-२० मालिका महत्त्वाची मानली जातोय. पहिल्या टी20 सामन्यात भारताने नाणेफेकीचा कौल गमावला.

मात्र दक्षिण आफ्रिकेनं टीम इंडियाला प्रथम फलंदाजी करण्याचे निमंत्रण दिलं. या सामन्यात भारताने २० षटकात ६ गडी गमावले आणि १७५ धावा केल्या. भारताकडून हार्दिक पांड्याने सर्वोत्तम खेळी करत. त्याने २८ चेंडूत ६ चौकार आणि ४ षटकार मारत नाबाद ५९ धावा केल्या. त्यानंतर तिलक वर्माने २६ धावांची खेळी केली.

त्याने ३२ चेंडूंचा सामना केला. २ चौकार आणि एका षटकारांच्या मदतीने २६ धावा केल्या. यात त्याने एकमेक षटकार मारला. पण त्या षटकाराची चर्चा रंगलीय. सोशल मीडियावर त्याने मारलेला षटकाराचा व्हिडिओ व्हायरल होतोय. वर्माने मारलेला हा फटका थेट स्टेडियमच्या बाहेर गेला.

भारताचे तीन विकेट झटपट बाद झाल्यानंतर तिलक वर्मा सावध खेळी करत होता. त्याने २४ चेंडूत १६ धावा केल्या होत्या. दक्षिण अफ्रिकेकडून १० वं षटक टाकण्यासाठी एनरिक नोर्त्जे आला होता. त्याच्या षटकातील तिसऱ्या चेंडूवर तिलक वर्माने उत्तुंग षटकार मारला. हा चेंडू डीप स्क्वेअर लेगच्या दिशेने मारला. चेंडू थेट स्टेडियमच्या सर्वात वरील स्टॅण्डवर गेला होता.