India vs South Africa 1st T20: दक्षिण आफ्रिकेचा लाजिरवाणा पराभव; टीम इंडियाचा १०१ धावांनी शानदार विजय

भारत आणि दक्षिण आफ्रिका यांच्यातील पाच सामन्यांच्या टी-२० मालिकेतील पहिला सामना आज कटकमधील बाराबती स्टेडियमवर खेळला गेला. हा सामना टीम इंडियानं शानदारपणे जिंकला. भारताने दक्षिण आफ्रिकेच्या संघासमोर १७६ धावांचे आव्हान ठेवलं होतं. हे आव्हान पार करताना आफ्रिकेच्या संघाच्या नाकीनऊ आले. भारतीय संघाच्या गोलंदाजीसमोर दक्षिण आफ्रिकेचे फलंदाजी सपशेल अपयशी ठरले. भारतीय संघाच्या गोलंदाजानी संपूर्ण आफ्रिकेच्या संघाला अवघ्या ७४ धावांवर ऑलआउट केलं. या विजयासह भारतीय संघानं ५ सामन्याच्या टी२० मालिकेत १-०नं आघाडी घेतलीय.