वनडे मालिकेत दमदार कामगिरी करणारा भारतीय संघ टी -२० मालिकेत संघर्ष करताना दिसतोय. पहिल्या सामन्यातील पराभवानंतर आता दुसऱ्या सामन्यातही भारतीय संघाला पराभवाची चव चाखावी लागली आहे. दुसऱ्या सामन्यात वेस्टइंडीज संघाने भारतीय संघावर २ गडी राखून विजय मिळवला आहे. यासह वेस्टइंडीजने ५ टी -२० सामन्यांच्या मालिकेत २-० ने आघाडी घेतली आहे.
निकोलस पुरन ठरला विजयाचा हिरो..
भारतीय संघाने वेस्टइंडीज संघासमोर विजयासाठी १५३ धावांचे आव्हान ठेवले होते. या धावांचा पाठलाग करताना एकटा निकोलस पुरन भारतीय गोलंदाजांना उरून पुरला. अवघ्या ४० चेंडूंचा सामना करत पुरनने ६७ धावांची विस्फोटक खेळी केली. या खेळीदरम्यान त्याने ६ चौकार आणि ४ गगनचुंबी षटकार मारले. तर शिमरन हेटमायरने २२ आणि रोमन पॉवेलने २१ धावांचे योगदान दिले. शेवटी जोसेफ आणि हुसेनने महत्वपूर्ण भागीदारी करत भारतीय संघाला पराभवाची धूळ चारली.
या सामन्यात भारतीय कर्णधार हार्दिक पंड्याने नाणेफेक जिंकून प्रथम फलंदाजी करण्याचा निर्णय घेतला होता. प्रथम फलंदाजी करताना भारतीय संघाकडून एकट्या तिलक वर्माला वगळता इतर कुठल्याही फलंदाजाला मोठी खेळी करता आली नाही. आपल्या दुसऱ्याच सामन्यात त्याने ५१ धावांची बहुमूल्य खेळी केली. या खेळीदरम्यान त्याने ५ चौकार आणि १ षटकार मारला.
भारतीय फलंदाजांचा फ्लॉप शो...
भारतीय संघातील फलंदाज या डावातही मोठी धावसंख्या उभारण्यात अपयशी ठरले. सलामीवीर फलंदाज ईशान किशनने २७ धावांची खेळी केली. शुबमन गिलचा फ्लॉप शो काही थांबायचं नाव घेत नाही.
या सामन्यात तो अवघ्या ७ धावा करत माघारी परतला. टी -२० तील नंबर १ चा फलंदाज सूर्यकुमार यादव वेस्टइंडीजच्या गोलंदाजी अटॅकसमोर १ धाव करून नांगी टाकून माघारी परतला. कर्णधार हार्दिक पंड्या २४ तर संजू सॅमसनने अवघ्या ७ धावा करत पॅव्हेलियनची वाट धरली. या पराभवासह भारतीय संघ २-० ने पिछाडीवर आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.