IND vs SA, 2nd Test:

भारत आणि दक्षिण आफ्रिका यांच्यातील दुसरा कसोटी सामना आज केपटाऊनमध्ये खेळला जाणार आहे. या सामन्याला दुपारी २ वाजता सुरुवात होणार आहे. वनडे आणि टी -२० मालिकेत दमदार खेळ करणारा भारतीय संघ सध्या कसोटीत मालिकेत १-० ने पिछाडीवर आहे.

पहिल्या कसोटीत भारतीय संघाला १-० ने पराभवाचा सामना करावा लागला होता. या कसोटी सामन्यात प्रसिद्ध कृष्णाला पदार्पण करण्याची संधी देण्यात आली होती. या सामन्यात गोलंदाजी करताना त्याने २० षटकात ९३ धावा खर्च केल्या होत्या.

भारतीय संघाचा कर्णधार रोहित शर्माला जेव्हा प्लेइंग ११ बाबत निर्णय घेण्यात आला त्यावेळी तो म्हणाला की, ' आमची टीम मॅनेजमेंटसोबत चर्चा झाली. आम्हाला संघात कसे गोलंदाज हवे आहेत. आम्ही अजूनपर्यंत आमची प्लेइंग ११ ठरवलेली नाही. आमचे सर्व खेळाडू फिट असून सिलेक्शनसाठी उपलब्ध आहेत. आम्ही लवकरच याबाबत निर्णय घेऊ.'

तसेच रोहित पुढे म्हणाला की, ' मला माहित आहे की, आमच्या गोलंदाजांकडे अनुभव नाही. मात्र अशा स्थितीत त्यांना बॅक करणं गरजेचं आहे. असं कुठल्याही संघासोबत होऊ शकतं. गेल्या सामन्यानंतर मी म्हटलं होतं की, प्रसिद्ध आपला पहिलाच सामना खेळतोय. त्यामुळे कोणीही नर्व्हस होऊ शकतं.' (Latest sports updates)

खेळपट्टीबाबत बोटलाना रोहित शर्मा म्हणाला की, ' न्यूलॅंड्सची खेळपट्टी ही सेंच्युरियनसारखीच वाटत आहे. कदाचित या खेळपट्टीवर सेंच्युरियनइतकं गवत नसेल. पण परिस्थिती खूप महत्वाची ठरेल. या सेंच्युरियनच्या तुलनेत येथील वातावरण खूप उष्ण आहे.'

भारतीय संघाचा केपटाऊनच्या मैदानावरील रेकॉर्ड पाहिला तर, या मैदानावर भारतीय संघाने ६ सामने खेळले आहेत. यादरम्यान दक्षिण आफ्रिकेने ४ सामने जिंकले आहेत. तर कसोटी सामने ड्रॉ झाले आहेत. भारताला केपटाऊनमध्ये एकही कसोटी सामना जिंकता आलेला नाही. त्यामुळे भारतीय संघाकडे हा रेकॉर्ड बदलण्याची संधी असणार आहे.