India vs New Zealand 2nd Test Match Highlights: भारत आणि न्यूझीलंड यांच्यातील दुसरा कसोटी सामना पुण्यातील महाराष्ट्र क्रिकेट असोसिएशनच्या मैदानावर पार पडला. या सामन्यात भारतीय फलंदाजांचा फ्लॉप शो पाहायला मिळाला आहे.

न्यूझीलंडने भारताचं अस्त्र भारताविरुद्धच वापरुन मालिका विजय मिळवला आहे. बंगळुरुतील एम चिन्नास्वामीच्या मैदानावर झालेल्या सामन्यात भारतीय संघाला पराभवाचा सामना करावा लागला होता. आता दुसऱ्या सामन्यातही न्यूझीलंडने भारतीय संघाला पराभूत करत इतिहास रचला आहे.

न्यूझीलंडने रचला इतिहास

भारतीय संघाने गेल्या १२ वर्षांपासून मायदेशात आपला दबदबा कायम ठेवला होता. मात्र न्यूझीलंडने ही मालिका खंडीत केली आहे. गेल्या १२ वर्षांत भारतीय संघाने मायदेशात एकही कसोटी गमावली नव्हती. २०२४ मध्ये म्हणजे तब्बल १२ वर्षांनंतर मालिका जिंकून इतिहास रचला आहे. यासह न्यूझीलंडने या मालिकेत २-० ने विजयी आघाडी घेतली आहे.

भारताचा पराभव

भारतीय संघाला हा सामना जिंकण्यासाठी ३५९ धावा करायच्या होत्या. हे आव्हान तसं खूप मोठं होतं. कारण यापूर्वी केवळ एकदाच भारतीय संघाने ३५० पेक्षा अधिक धावांचा यशस्वी पाठलाग केला होता. त्यामुळे भारतीय संघाला हा सामना जिंकण्यासाठी इतिहास बदलायचा होता.

मोठ्या आव्हानाचा पाठलाग करताना, रोहित शर्मा आणि यशस्वी जयस्वालने आक्रमक सुरुवात करुन दिली. मात्र रोहितच्या रुपात भारतीय संघाला पहिला धक्का बसला. रोहित ८ धावा करत माघारी परतला.

त्यानंतर जयस्वाल आणि गिलने संघाचा डाव सांभाळला. दोघांनी अर्धशतकी भागीदारी केली. मात्र शुभमन गिल २३ धावांवर माघारी परतला. विराट १७ धावांची खेळी करत माघारी परतला. रिषभ पंतवर मोठी जबाबदारी होती. मात्र तो शून्यावर धावबाद होऊन माघारी परतला. त्यानंतर सरफराज खान ९ आणि आर अश्विन १८ धावांवर तंबूत परतला.

न्यूझीलंडकडून सँटनर नडला

फिरकी गोलंदाजीसाठी अनुकूल असणाऱ्या खेळपट्टीवर मिचेल सँटनरच्या गोलंदाजीची जादू पाहायला मिळाली. त्याने पहिल्या डावात गोलंदाजी करताना ७ गडी बाद केले होते. तर दुसऱ्या डावातही त्याने .. गडी बाद करत न्यूझीलंडसाठी विजय खेचून आणला.