Ind Vs Eng 3rd Test : लॉर्ड्सच्या मैदानावर भारत विरुद्ध इंग्लंड तिसरा कसोटी सामना सुरु आहे. या सामन्यामध्ये इंग्लंडचे गोलंदाज भारतीय फलंदाजांवर वरचढ ठरत असल्याचे पाहायला मिळत आहे. पाचव्या दिवसाच्या पहिल्या सत्रामध्ये इंग्लंडने भारताचे ४ गडी बाद केले. सामना भारताकडून इंग्लंडकडे झुकला आहे. विकेट्स पडत असताना रवींद्र जडेजा झुंज देत आहे. लॉर्ड्सच्या मैदानावर रनचेज करताना भारतीय संघ संघर्ष करत असल्याचे दिसते.

अँडरसन-तेंडुलकर ट्रॉफीमधील तिसरा सामना लॉर्ड्स स्टेडियमवर रंगला आहे. पहिल्या डावात इंग्लंडने प्रथम फलंदाजी केली. इंग्लंडने पहिल्या डावात ३८७ धावा केल्या. त्यानंतर भारतीय संघ ३८७ धावांवर ऑलआउट झाला. चौथ्या दिवसाच्या शेवटी भारताने ४ विकेट्स गमावल्या. पाचव्या दिवसाच्या सुरुवातीलाही भारताचे ४ गडी बाद झाले. भारतासमोर १९३ धावांचे लक्ष आहे, दुसऱ्या बाजूला जिंकण्यासाठी इंग्लंडला ३ विकेट्स घ्यायच्या आहेत.

लॉर्ड्स मैदानाची खेळपट्टी वेगवान गोलंदाजांना फायदेशीर ठरते. खेळपट्टीवरील गवतामुळे वेगवान गोलंदाजीत स्विंग दिसून येते. जेव्हा खेळपट्टी जुनी होत जाते, तेव्हा फलंदाजी करणे कठीण होते. चौथ्या दिवसापर्यंत खेळपट्टीत किरकोळ भेगा पडल्याचे दिसते. भेगांमुळे वेगवान गोलंदाजांना चांगली सीम मिळते. सध्या सुरु असलेल्या लॉर्ड्स कसोटीत, चौथ्या आणि पाचव्या दिवसापर्यंत खेळपट्टीत चेंडू असामान्य उसळी मारत असल्याचे दिसून आले आहे.

लॉर्ड्सवर पाचव्या दिवसापर्यंत स्विंगचा प्रभाव कमी होतो. पण सीममुळे चेंडू उसळी घेतल्यानंतर दिशा बदलू लागतो. केएल राहुल देखील अशाच एका चेंडूचा बळी ठरला. खेळपट्टीच्या स्वरुपातील बदलामुळेच तिसऱ्या कसोटीत भारतीय संघाला संघर्ष करावा लागत आहेत. लॉर्ड्सच्या मैदानावर भारतीय संघाने आतापर्यंत यशस्वी रनचेज १३६ धावांचा होता, १९८६ मध्ये कपिल देव यांच्या नेतृत्वात भारताने १३६ धावा करत सामना जिंकला होता.