Ind vs Aus 4th test Day 2: अहमदाबादच्या नरेंद्र मोदी स्टेडियमवर भारत विरुध्द ऑस्ट्रेलिया यांच्यातील कसोटी मालिकेतील चौथा कसोटी सामना सुरु आहे.

प्रथम फलंदाजी करताना ऑस्ट्रेलिया संघाने ४८० धावांचा डोंगर उभारला. या धावांचा प्रत्युत्तरात भारतीय संघाने चांगली सुरुवात केली आहे.

भारतीय संघाची संयमी सुरुवात.

या सामन्यात ऑस्ट्रेलिया संघाने नाणेफेक जिंकून प्रथम फलंदाजी करण्याचा निर्णय घेतला होता. २ दिवस आणि १६७ षटके फलंदाजी करत ४८० धावा केल्या होत्या. प्रत्युत्तरात भारतीय संघाने दुसऱ्या दिवसअखेर बिनबाद ३६ धावा केल्या आहेत.

भारतीय संघाकडून कर्णधार रोहित शर्माने १७ तर शुभमन गिलने १८ धावा केल्या आहेत.

नाणेफेक जिंकून प्रथम फलंदाजी करण्यासाठी आलेल्या ऑस्ट्रेलिया संघाला सलामीवीर फलंदाजांनी चांगली सुरुवात करून दिली होती. ऑस्ट्रेलिया संघाकडून उस्मान ख्वाजाने सर्वाधिक १८० धावांची खेळी केली.

तर कॅमरुन ग्रीनने ११४ धावांचे बहुमूल्य योगदान दिले. शेवटी खालच्या फळीतील फलंदाजांनी देखील मोलाचे योगदान दिले. शेवटी टॉड मर्फीने ४१ आणि लायनने ३१ धावांची खेळी केली. या खेळीच्या जोरावर ऑस्ट्रेलिया संघाने ४८० धावांचा डोंगर उभारला आहे.

आर अश्विनचे पंचक..

भारतीय संघाकडून गोलंदाजी करताना आर अश्विन हा सर्वात यशस्वी गोलंदाज ठरला. एकीकडे भारतीय गोलंदाज संघर्ष करताना दिसून येत होते.

तर आर अश्विनने ९१ धावा खर्च करत ६ गडी बाद केले. तर शमीने २ आणि अक्षर, जडेजाने प्रत्येकी १-१ गडी बाद केले.