Ind vs Aus 4th test: टीम इंडियाला तंगवणाऱ्या ग्रीनचा आर अश्विनने असा काढला काटा -VIDEO

R ashwin: भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांची मालिका सुरु आहे. या मालिकेतील अंतिम कसोटी सामना अहमदाबादच्या नरेंद्र मोदी स्टेडियमवर सुरू आहे.

या सामन्यात प्रथम फलंदाजी करण्यासाठी आलेल्या ऑस्ट्रेलिया संघाने आतापर्यंत जोरदार कामगिरी केली आहे. दरम्यान आर अश्विनने कॅमरुन ग्रीनला बाद करत माघारी धाडले आहे. (Latest sports updates)

या सामन्यात ऑस्ट्रेलिया संघाने नाणेफेक जिंकून प्रथम फलंदाजी करण्याचा निर्णय घेतला आहे. हा निर्णय योग्य ठरवत ऑस्ट्रेलियाच्या फलंदाजांनी ऑस्ट्रेलिया संघाला चांगली सुरुवात करून दिली.

पहिल्या दिवसअखेर ऑस्ट्रेलियाने ४ गडी बाद २५५ धावा केल्या होत्या. तर दुसऱ्या दिवशीही ऑस्ट्रेलियन फलंदाज टिचून फलंदाजी करत होते.

रोहित शर्माने १३१ वे षटक टाकण्याची जबाबदारी आर अश्विनला दिली होती. त्याने या षटकातील दुसऱ्याच चेंडूवर कॅमरुन ग्रीनला माघारी धाडले. अश्विनने टाकलेल्या चेंडूवर कॅमरुन ग्रीनने स्वीप शॉट खेळण्याचा प्रयत्न केला.

मात्र त्याचा हा प्रयत्न फसला कारण चेंडू बॅटचा कडा घेत यष्टीरक्षक केएस भरतच्या हातात. यावेळी त्याने कुठलीही चूक न करता अप्रतिम झेल टिपला. कॅमरुन ग्रीन ११४ धावांची खेळी करत माघारी परतला. तर याच षटकात त्याने ऍलेक्स कॅरीला देखील बाद करत माघारी धाडले.

उस्मान ख्वाजा आणि कॅमरुन ग्रीन यांनी अप्रतिम खेळी केली. दोघांनी मिळून भारतीय गोलंदाजांचा चांगलाच घाम काढला. दोघांनी मिळून २०० पेक्षा अधिक धावांची भागीदारी करत ऑस्ट्रेलिया संघाला मजबूत स्थितीत पोहचवले आहे.