बॉर्डर- गावसकर ट्रॉफीला येत्या २२ नोव्हेंबरपासून सुरुवात होणार आहे. या स्पर्धेपूर्वी भारतीय अ संघ ऑस्ट्रेलिया दौऱ्यावर आहे. दोन्ही संघांमध्ये २ सामन्यांची मालिका रंगणार आहे. या मालिकेतील पहिल्या सामन्याला आजपासून सुरुवात झाली आहे. दरम्यान पहिल्याच सामन्यात भारतीय फलंदाजांचा फ्लॉप शो पाहायला मिळाला आहे.

या सामन्याबद्दल बोलायचं झालं, तर ऑस्ट्रेलियाने नाणेफेक जिंकला आणि प्रथम गोलंदाजी करण्याचा निर्णय घेतला. प्रथम फलंदाजीसाठी आलेल्या भारतीय संघाकडून फ्लॉप शो पाहायला मिळाला आहे. भारताचा संपूर्ण डाव अवघ्या १०७ धावांवर आटोपला.

भारताकडून डावाची सुरुवात करण्यासाठी अभिमन्यू ईश्वरन आणि ऋतुराज गायकवाडची जोडी मैदानावर आली भारताला दुसऱ्याच षटकात मोठा धक्का बसला. कर्णधार ऋतुराज गायकवाड शून्यावर माघारी परतला.

त्यानंतर अभिमन्यू ईश्वरनला अवघ्या अवघ्या ७ धावा करता आल्या. भारताकडून फलंदाजी करताना देवदत्त पडिक्कलने सर्वाधिक ३६ धावांची खेळी केली. तर साई सुदर्शन २१, बाबा इंद्रजित ९, इशान किशन, नितिश रेड्डी ०, मानव सुतार १, नवदीप सैनी २३ आणि प्रसिद्ध कृष्णा शून्यावर माघारी परतला. ऑस्ट्रेलियाकडून गोलंदाजी करताना,ब्रेंडन डगेटे सर्वाधिक ६ गडी बाद केले.

या सामन्यासाठी भारतीय अ संघाची प्लेइंग ११:

ऋतुराज गायकवाड (कर्णधार), अभिमन्यू ईश्वरन, इशान किशन (व.), नितीश रेड्डी, मानव सुथार, साई सुदर्शन, देवदत्त पडिकल, बाबा इंद्रजीथ, नवदीप सैनी, प्रसिद्ध कृष्णा, मुकेश कुमार.

ऑस्ट्रेलिया 'अ' प्लेइंग ११:

नेथन मॅकस्विनी (कर्णधार), कॅमरॉन बॅंक्रॉफ्ट, टॉड मर्फी, फर्गस ओ'नेल, जोश फिलिपे, बीऊ वेबस्टर, जॉर्डन बकिंगहॅम, ब्रेंडन डॉगेट, कूपर कॉनोली, मार्कस हॅरिस, सॅम कॉन्स्टस.