भारताचा संघ इंग्लंडविरुद्ध सुरु असलेल्या ५ कसोटी सामन्यांच्या मालिकेत दमदार कामगिरी करतोय. राजकोटमध्ये झालेल्या तिसऱ्या कसोटीत भारतीय संघाने ४३४ धावांनी विजय मिळवला. या विजयासह भारतीय संघाने कसोटी मालिकेत २-१ ने आघाडी घेतली. दरम्यान मालिकेतील चौथा कसोटी सामना २३ फेब्रुवारीपासून रांचीतील JSCA आंतरराष्ट्रीय स्टेडियमवर रंगणार आहे. या सामन्यासाठीची खेळपट्टी पाहून इंग्लंडच्या कर्णधार बेन स्टोक्सला आश्चर्याचा धक्का बसला आहे.
रांचीची खेळपट्टी लांबून पाहिली तर, ही खेळपट्टी हिरवीगार दिसते. मात्र जवळून पाहिलं असतान तर खेळपट्टीवर भेगा असल्याचं दिसून येत आहे. खेळपट्टीबाबत बोलताना बेन स्टोक्स म्हणाला की,' मी अशी खेळपट्टी यापुर्वी कधीच पाहिली नव्हती. मला याबाबत काहीच कल्पना नाही. त्यामुळे खेळपट्टी कोणाला साथ देणार याबाबत काहीच सांगता येत नाही. तुम्ही जर खेळपट्टीचा एक भाग पाहिला तर तो वेगळा दिसतोय,तर दुसरा भाग वेगळाच दिसतोय.' (Cricket news in marathi)
तसेच तो पुढे म्हणाला की,' मी भारतात यापूर्वी अशा खेळपट्या कधीच पाहिलेल्या नाहीत. ड्रेसिंग रुममधून पाहिलं तर ही खेळपट्टी वेगळी दिसते. मात्र खेळपट्टीच्या जवळ गेलं की, खेळपट्टीवर भेगा दिसून येतात.' रांचीची खेळपट्टी फिरकी गोलंदाजांसाठी नेहमीच फायदेशीर ठरते. त्यामुळे या कसोटीसाठी इंग्लंडने शोएब बशीरचा प्लेइंग ११ मध्ये समावेश केला आहे. तर रेहान अहमदला बाहेर बसवलं आहे.
या सामन्यासाठी अशी आहे इंग्लंडची प्लेइंग ११:
झॅक क्रॉली, बेन डकेट, ऑली पॉप, जो रुट, जॉनी बेअरस्टो, बेन स्टोक्स (कर्णधार), बेन फोक्स, टॉम हर्टली, ऑली रॉबिन्सन, जेम्स अँडरसन, शोएब बशीर
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.