Amitabh Bachchan: 'एक-एक करून सगळे...'; अमिताभ बच्चन यांच्यावर कोसळला दु:खाचा डोंगर, जवळच्या व्यक्तीचं निधन

बॉलिवूडचे महानायक अमिताभ बच्चन यांनी धर्मेंद्र यांच्यानंतर आणखी एका मित्राला गमावले आहे. त्यांनी पोस्टद्वारे ही दुःखद बातमी सर्वांशी शेअर केली. आपल्या प्रिय मित्राच्या निधनानंतर, 'बिग बी' यांनी एक भावुक पोस्ट केली. गुरुवार, १२ मार्चला अमिताभ बच्चन यांनी त्यांच्या ब्लॉगवर आपल्या मित्राला मनापासून आदरांजली वाहिली आणि त्याचे भरभरून कौतुक केले. धर्मेंद्र यांच्या निधनानंतर अवघ्या काही काळातच आणखी एका जवळच्या मित्राचे निधन झाल्यामुळे अमिताभ बच्चन यांना मोठा धक्का बसला आहे.

अमिताभ बच्चन यांच्या एका जवळच्या मित्राचे निधन

आपल्या दिवंगत मित्राला श्रद्धांजली वाहताना, बॉलिवूडचे महानायक अमिताभ बच्चन यांनी एक अत्यंत हृदयस्पर्शी संदेश लिहिला. आपल्या जवळच्या मित्राचे कौतुक करताना अमिताभ बच्चन यांनी लिहिले, "प्रत्येक अडचणीवर मात करण्याचा मार्ग त्याला नेहमीच सापडायचा. तो एक अत्यंत प्रेमळ आणि उत्तम माणूस होता.मी माझा आणखी एक अत्यंत प्रिय मित्र गमावला आहे. तो नेहमीच आनंदी असायचा. त्याच्या चेहऱ्यावर नेहमीच हास्य फुललेले असायचे. तो आता आपल्यात राहिला नाही, यावर माझा विश्वासच बसत नाहीये. एक-एक करून, सगळे सोडून जात आहेत."

अमिताभ यांच्या मित्राच्या निधनावर चाहत्यांनी व्यक्त केले दुःख

अमिताभ बच्चन यांच्या या पोस्टवर प्रतिक्रिया देताना एका चाहत्याने लिहिले, "हे दुःख सहन करण्याची शक्ती देव तुम्हाला देवो. तुमच्या प्रिय मित्राच्या आत्म्याला देव शांती देवो." आणखी एकाने म्हटले होते, "तुमच्या मित्राच्या निधनामुळे मी अत्यंत दुःखी झालो आहे; माझ्या मनापासून संवेदना आणि प्रार्थना तुमच्या पाठीशी आहेत. देव त्यांच्या आत्म्याला शांती देवो; या कठीण काळात देव तुम्हाला शक्ती, धैर्य आणि खंबीरपणा प्रदान करो."

अमिताभ बच्चन शेवटचे तामिळ ॲक्शन-ड्रामा चित्रपट 'वेट्टैयान' मध्ये दिसले होते. या चित्रपटाचे दिग्दर्शन टी.जे. ज्ञानवेल यांनी केले होते. या चित्रपटात रजनीकांत, मंजू वॉरियर, फहद फासिल, राणा दग्गुबती, रितिका सिंग, दुशारा विजयन, रोहिणी, राव रमेश, अभिरामी आणि रमेश थिलक यांच्याही भूमिका आहेत. अमिताभ बच्चन लवकरच नाग अश्विनच्या कल्की 2898 एडीच्या सिक्वेलमध्ये आणि अयान मुखर्जीच्या ब्रह्मास्त्र भाग 2 मध्ये दिसणार आहे.