Harshit Rana Team India : १९ फेब्रुवारीपासून चॅम्पियन्स ट्रॉफीचा थरार सुरू होणार आहे. त्याआधी भारतीय संघात मोठा बदल करण्यात आलाय. दुखापतग्रस्त जसप्रीत बुमराह याला संघातून वगळण्यात आलेय. बुमराहच्या जागी युवा हर्षित राणा याचा समावेश करण्यात आलाय. आतापर्यंत हर्षित राणा यानं आपल्या गोलंदाजीने प्रभावित केलेय, त्यामुळे त्याची निवड झाली आहे. बुमराहशिवाय सलामी फलंदाज यशस्वी जायस्वाल याचाही पत्ता कट झालाय. यशस्वी जायस्वालच्या जागी फिरकी गोलंदाज वरूण चक्रवर्ती याला संघात स्थान देण्यात आलेय.

बुमराह संघाबाहेर का?

जसप्रीत बुमराह गेल्या काही दिवसांपासून दुखापतग्रस्त होता. अद्याप तो पूर्णपणे तंदुरूस्त झाला नाही. बॉर्डर-गावस्कर मालिकेदरम्यान अखेरच्या कसोटीवेळी बुमराह दुखापतग्रस्त झाला होता, त्यामधून तो अद्याप सावरलेला नाही. त्यामुळेच त्याला संघाबाहेर ठेवण्यात आलेय. बीसीसीआयकडून याबाबतची माहिती देण्यात आली आहे.

हर्षित राणाला संधी का देण्यात आली ?

गेल्या काही दिवसांपासून हर्षित राणा याने आपल्या गोलंदाजीने सर्वांना प्रभावित केलेय. वनडे, कसोटी आणि टी२० मध्ये हर्षित राणा यानं शानदार कामगिरी केली. त्याशिवाय देशांतर्गत क्रिकेटमध्येही हर्षितचा रेकॉर्ड चांगलाय. त्यामुळेच त्याला चॅम्पियन्स ट्रॉफीसाठी संघात स्थान देण्यात आलेय. दोन वनडे सामन्यात हर्षित राणाने चार विकेट घेतल्या आहेत. एका टी२० सामन्यात तीन त्याशिवाय दोन कसोटी सामन्यात चार विकेट घेतल्या आहे. हर्षित राणा यानं आपल्या गोलंदाजीने कोच गौतम गंभीर याला प्रभावित केले. त्यामुळे हर्षित याला चॅम्पियन्स ट्रॉफीसाठी संघात स्थान देण्यात आलेय.

भारताची गोलंदाजी कशी आहे?

युवा आणि अनुभवी गोलंदाजांचे चांगले मिश्रण आहे. मोहम्मद शामी आणि रवींद्र जाडेजा यांच्याकडे तगडा अनुभव आहे. हार्दिक पांड्या आणि अक्षर पटेल यांच्यामुळे संतुलन मिळत आहे. कुलदीप यादव, वरूण चक्रवर्ती यांच्यावर फिरकीची धुरा असेल. अर्शदीप सिंह आणि हर्षित राणा वेगवान माऱ्याची धुरा संभाळतील. त्याशिवाय वॉशिंग्टन सुंदर अष्टपैलू खेळीने संघाला संतुलन मिळेल.

India’s squad for ICC Champions Trophy, 2025 :

रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर केएल राहुल, ऋषभ फंत, हार्दिक पांड्या, अक्षऱ पटेल, वॉशिंग्टन सुंगर, कुलदीप यादव, हर्षित राणा, मोहम्मद शामी, अर्शदीप सिंह, रवींद्र जाडेजा, वरूण चक्रवर्ती

राखीव - यशस्वी जायस्वाल, मोहम्मद सिराज, शिवम दुबे