IND vs NZ 2nd Test, Rishabh Pant: भारत आणि न्यूझीलंड या दोन्ही संघांमध्ये ३ कसोटी सामन्यांची मालिका सुरु आहे. या मालिकेतील पहिला कसोटी सामना बंगळुरुतील एम चिन्नास्वामीच्या मैदानावर पार पडला. या सामन्यात भारतीय संघाला पराभवाचा सामना करावा लागला आहे.

टेन्शन वाढवणारी बातमी म्हणजे, रिषभ पंत या सामन्यात दुखापतग्रस्त झाला होता. त्यामुळे तो दुसऱ्या कसोटीत खेळणार की नाही, असा प्रश्न उपस्थित झाला होता. मात्र आता दुसऱ्या कसोटीपूर्वी भारतीय संघासाठी आनंदाची बातमी आली आहे. रिषभ पंत पूर्णपणे फिट आहे.

या सामन्यात तो दुखापतग्रस्त झाला होता. त्यामुळे त्याच्याऐवजी, ध्रुव जुरेल यष्टीरक्षण करण्यासाठी मैदानात आला. मात्र दुखापतग्रस्त असूनही रिषभ फलंदाजीला आला आणि त्याने ९९ धावांची महत्वपूर्ण खेळी केली. भारतीय संघाचा गडगडलेला डाव रिषभ पंतने सावरला. दुसरा सामना हा भारतीय संघासाठी अतिशय महत्वाचा असणार आहे. या सामन्यापूर्वी रिषभ पंत फिट होणं हे भारतीय संघासाठी शुभसंकेत आहेत. रिषभ पंतची प्लेइंग ११ मधील जागा फिक्स आहे.

इंडियन एक्स्प्रेसने दिलेल्या वृत्तानुसार, रिषभ पंत दुसऱ्या कसोटी सामन्यासाठी पुर्णपणे फिट आहे. या पहिल्या कसोटीतील दुसऱ्या दिवशी इंजेक्शन घेतल्यानंतर त्याला वेदना जाणवल्या होत्या. मात्र त्यानंतर त्याला बरं वाटत होतं. त्यामुळे तो दुसऱ्या कसोटी सामन्यात खेळताना दिसेल.

डिसेंबर २०२२ मध्ये रिषभ पंतच्या कारचा अपघात झाला होता. या अपघातात, त्याच्या गुडल्याला जबर मार लागला होता. आता यष्टीरक्षण करताना, त्याच गुडघ्यावर चेंडू लागल्याने त्याला असाह्य वेदना जाणवल्या. मात्र त्याने मैदान सोडलं नव्हतं. संघ अडचणीत असताना तो फलंदाजीसाठी मैदानात उतरला होता.