भारतीय संघ वर्ल्डकप ट्रॉफीसह भारतात दाखल झाला आहे. एअर इंडियाचं विमान भारतीय खेळाडूंना घेऊन दिल्लीत लँड झालं आहे. दरम्यान लँड होताच एअर इंडियाच्या विमनावरून गोंधळ सुरू झाल्याचे पाहायला मिळाले आहे. डीजीसीएने भारतीय संघाला बारबाडोसहून दिल्लीला आणण्यासाठी जे विमान वापरलं गेलं त्याबाबत स्पष्टीकरण मागितलं आहे. या विमानाने भारतीय वेळेनुसार बुधवारी दुपारी ३ वाजता अवकाशात झेप घेतली. यासह गुरुवारी सकाळी हे विमान दिल्लीत लँड झालं. बीसीसीआयकडून या स्पेशल चार्टर्ड विमानाची सोय करण्यात आली होती.
डीजीसीएने या विमानाचं स्पष्टीकरण मागितलं आहे. अधिकाऱ्यांनी दिलेल्या माहितीनुसार असं म्हटलं जात आहे की, बारबाडोसमध्ये एअर इंडियाचं जे विमान होतं. ते प्रवाशांना न्यूयॉर्कहून दिल्लीला घेऊन जाणार होतं. मात्र अचानक या प्लानमध्ये बदल करण्यात आला. त्यामुळे प्रवाशांचे हाल झाले. त्यामुळेच डीजीसीएने या विमानाची आता रिपोर्ट मागवली आहे.
पीटीआयच्या वृत्तानुसार, एअर इंडियाच्या एका अधिकाऱ्याने दिलेल्या माहितीनुसार, बोइंग ७७७ हे विमान बारबाडोसला पाठवल्यामुळे प्रवाशांचे हाल झालेले नाहीत. दिल्लीला जाण्यासाठी तिकीट बुक करणाऱ्या प्रवाशांना आधीच विमान रद्द करण्यात येणार असल्याची माहिती देण्यात आली होती. ज्यांना ही माहिती नाही मिळाली आणि ते विमानतळावर आले, अशा प्रवाशांसाठी खास सोय करण्यात आली होती. या प्रवाशांना न्यूयॉर्कला जाण्याची सोय करण्यात आली. त्यानंतर न्यूयॉर्कहून दिल्लीला जाण्याची देखील सोय करण्यात आली.
बुधवारी भारतीय वेळेनुसार दुपारी ३ वाजता एअर इंडियाचं विमान भारतीय खेळाडूंना घेऊन दिल्लीसाठी रवाना झालं. सकाळी ६-७ च्या दरम्यान हे विमान दिल्लीत दाखल झालं आहे. भारतीय खेळाडू दिल्लीतील ITC Maurya हॉटेलमध्ये थांबणार आहेत. त्यानंतर नरेंद्र मोदींसोबत नाश्ता आणि संध्याकाळी ५ वाजता मुंबईत जंगी मिरवणूक काढली जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.