David Warner hits six video viral:

पर्थ येथे ऑस्ट्रेलिया आणि पाकिस्तानच्या संघात तीन सामन्यांची कसोटी मालिका खेळली जात आहे. ऑस्ट्रेलियाचा सलामीवीर डेविड वॉर्नरने दमदार फटकेबाजी करत पाकिस्तानी गोलंदाजांची पिसे काढली. पाकिस्तानचा विकेट टेकर असलेल्या शाहीन अफरीदीची डेविड वॉर्नरने जोरदार धुलाई केली. अफरीदीच्या गोलंदाजीवर वॉर्नरने एक षटकार लगावलाय हा षटकार पाहून सर्वजण चक्रावले आहेत. (Latest News)

शाहीन अफरिदी पाकिस्तानचा सर्वोत्तम गोलंदाज मानला जातो, पण ऑस्ट्रेलियन फलंदाजांनी त्याची जोरदार धुलाई केली. अफरीदीने आपल्या षटकात १४ धावा दिल्या. यावेळी डेविड वॉर्नरने अफरीदीला मारलेला षटकार अनेकांच्या स्मरणात राहिलाय. वॉर्नरचा षटकार मारण्याची स्टाईल पाहून समालोचक करणारे देखील आवाक राहिलेत. नेटकरी सुद्धा चक्रावले आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ऑस्ट्रेलियाविरुद्धच्या कसोटी सामन्यात शाहीनने गच्चाळ गोलंदाजी केली. त्याने टाकलेल्या चेंडूला ना कोणती दिशा होती ना दशा. बेफान होऊन शाहीन गोलंदाजी करत होता. त्यात फलंदाजीसाठी डेविड वॉर्नर होता. वॉर्नरने त्याची जोरदार धुलाई केली. डावखुऱ्या हाताने फलंदाजी करणाऱ्या डेविडने शाहीनच्या भेदक गोलंदाजीवर झोपून षटकार मारला. हा षटकार पाहून सर्वजण चक्रावले.

शाहीन २२ वे षटक टाकत होता, शाहीनने या षटकाचा दुसरा चेंडू शॉर्ट ऑफ लेंथ टाकला. अंगावर आलेला हा चेंडू वॉर्नरने झोपून फटका मारला आणि फाइन लेगची सीमा ओलांडून हा चेंडू थेट प्रेक्षकांच्या गॅलरीत पोहोचला. वॉर्नरचा हा षटकार पाहून शाहीनसुद्धा हसू लागला. परंतु षटकार मारल्यामुले शाहीनने फलंदाजावर बाऊन्सर चेंडू मारायला सुरुवात केली. मात्र याचा वॉर्नरवर काहीही परिणाम झाला नाही, त्याने शांतपणे पाकिस्तानी गोलंदाजांचा सामना केला.