IPL 2025 : चेपॉक स्टेडियमवर काल चेन्नई सुपर किंग्स विरुद्ध सनरायजर्स हैदराबाद हा सामना खेळला गेला. या सामन्यामध्ये हैदराबादने चेन्नईचा ५ विकेट्सने पराभव केला. सीएसकेने दिलेले १५४ चे आव्हान एसआरएचने ८ चेंडू बाकी असताना गाठले. आयपीएलच्या इतिहासात पहिल्यांदा सनरायजर्स हैदराबादने घरच्या मैदानात चेन्नईला धोबीपछाड दिला.

कालचा (२५ एप्रिल) सामना चेन्नईसाठी खूप महत्त्वाचा होता. हा सामना पाहण्यासाठी स्टेडियमवर तामिळ सिनेसृष्टीतील अनेक दिग्गज कलाकार पोहोचले होते. यात थाला अजिथ कुमार, श्रुती हासन यांचा समावेश होता. सामन्यादरम्यान श्रुती हासनचा व्हिडीओ सोशल मीडियावर व्हायरल होत आहे. या व्हिडीओमध्ये श्रुती इमोशनल झाल्याचे दिसते.

चेन्नई सुपर किंग्सने सामना गमावल्यानंतर श्रुती हासनला वाईट वाटले. ती इमोशनल झाली. त्यानंतर तिने स्वत:चे डोळे पुसले असे सोशल मीडियावरील व्हायरल व्हिडीओ पाहून नेटकरी म्हणत आहेत. हा सामना पाहण्यासाठी थाला अजिथ त्याच्या कुटुंबासह स्टेडियमवर पोहोचला होता. सीएसकेच्या पराभवाने त्याचेही तोंड पडले होते.

आयपीएल २०२५ मध्ये चेन्नई सुपर किंग्सने खराब कामगिरी केली आहे. चेन्नईने नऊ सामने खेळले आहेत, यातील सात सामने त्यांनी गमावले आहेत, तर दोन सामन्यांमध्ये सीएसकेला विजय मिळाला आहे. कालच्या पराभवानंतर चेन्नईची प्लेऑफमध्ये जाण्याची शक्यता आणखीच कमी झाली आहे. आता पुढच्या सीझनसाठी चेन्नईने तयारी सुरु केली आहे.