मुंबई इंडियन्सची आयपीएलमध्ये आतापर्यंतची कामगिरी चांगली राहिली नाही. आयपीएल स्पर्धेतील पॉइंट टेबलमध्ये मुंबई इंडियन्स नवव्या स्थानावर पोहोचली आहे. मुंबई इंडियन्सचा संघ ४ पैकी ३ सामन्यात पराभूत झाला आहे. या खराब कामगिरीमुळे मुंबई इंडियन्सला मोठा झटका बसला आहे. दुसरीकडे संघाचा सलामीवीर रोहित शर्मा देखील पुढील सामन्यापासून बाहेर होण्याची शक्यता आहे. हार्दिक पंड्याचा संघ पुढील सामन्यात पंजाब किंग्सशी भिडणार आहे. पंजाब किंग्सने आतापर्यंत एकही सामना गमावलेला नाही.

मुंबई इंडियन्स विरुद्ध पंजाब किंग्स संघाचा सामना गुरुवारी १६ एप्रिल रोजी वानखेडे स्टेडियमध्ये खेळवण्यात येईल. रिपोर्टनुसार, रोहित शर्मा पुढील समन्यापासून संघाबाहेर जाण्याची शक्यता आहे. मागील सामन्यात रोहित शर्मा रिटायर्ट हर्ट होऊन तंबूत परतला होता.

रोहित शर्मा १९ धावांवर होता, त्यावेळी हॅमस्ट्रिंगच्या दुखापतीने ग्रस्त झाला. त्याच्या दुखापतीविषयी कोणतीही अधिकृत माहिती समोर आलेली नाही. रिपोर्टनुसार, रोहित शर्माला पुढील सामन्यात आराम दिला जाण्याची शक्यता आहे.

रोहित शर्माला त्याच्या करिअरमध्ये अनेकदा हॅमस्ट्रिंगची दुखापत झाली आहे. ही दुखापत बरी होण्यास अनेकदा वेळ लागतो. वृत्तानुसार, रोहित शर्मा हा वानखेडे स्टेडियममध्ये सरावासाठी देखील आला नाही. यामुळे संशय अधिक बळावला आहे. दुखापत लवकर बरी झाली नाही, तर रोहित पुढील सामन्यात खेळताना दिसण्याची शक्यता कमी आहे.

३८ वर्षीय रोहित शर्माने आयपीएल स्पर्धेत २०२६ साली केकेआरविरुद्ध ७८ धावांची खेळी खेळली होती. दिल्ली विरोधात ४ धावा केल्या होत्या. तिसऱ्या सामन्यात केवळ ५ धावा करून बाद झाला. चौथ्या सामन्यात १९ धावा रिटायर्ट हर्ट झाला. त्यामुळे तो पुढील सामन्यात खेळणार का, यावरून तर्कवितर्क लढवले जात आहेत.