England VS Ireland: आयर्लंड आणि इंग्लंड या दोन्ही संघांमध्ये एकमात्र कसोटी सामना पार पडला. या सामन्यात इंग्लंड संघाचा डबडबड पाहायला मिळाला. या सामन्यात इंग्लंड संघाने जोरदार कामगिरी करून १० गडी राखून विजय मिळवला.

आयर्लंड संघाविरुद्ध झालेल्या सामन्यात बेन स्टोक्सच्या नेतृत्वाची जादू पाहायला मिळाली. दरम्यान त्याने या सामन्यात असा काही कारनामा केला आहे जो १४६ वर्षांच्या इतिहासात कोणालाच करता आला नव्हता.

इंग्लंडचा जोरदार विजय..

इंग्लंड संघाने या सामन्यात जोरदार कामगिरी केली. आयर्लंड संघाचा डाव १७२ धावांवर गुंढाळल्यानंतर इंग्लंडचे फलंदाजी करण्यासाठी आले होते. इंग्लंड संघाने फलंदाजी करताना ५ गडी बाद ५२४ धावा केल्या.

या डावात इंग्लंड संघाकडेन ओली पोपने तुफानी दुहेरी शतकी खेळी केली. तर बेन डकेटने १८२ धावांची खेळी केली. या धावांच्या प्रत्युत्तरात आयर्लंड संघाने दुसऱ्या डावात ३६२ धावा केल्या. इंग्लंडला हा सामना जिंकण्यासाठी केवळ ११ धावांची गरज होती. हे आव्हान इंग्लंड संघाने केवळ ४ चेंडूंमध्ये पूर्ण केले. (Latest sports updates)

स्टोक्सच्या नावे मोठ्या विक्रमाची नोंद..

आयर्लंड संघावर एकतर्फी विजय मिळवल्यानंतर बेन स्टोक्सच्या नावे एका मोठ्या विक्रमाची नोंद झाली आहे. कसोटी क्रिकेटच्या १४६ वर्षांच्या इतिहासात बेन स्टोक्स हा असा एकमेव कर्णधार ठरला आहे. ज्याने फलंदाजी, गोलंदाजी आणि यष्टिरक्षण न करता विजय मिळवला आहे. यापूर्वी असा कारनामा कुठल्याच कर्णधाराला करता आला नव्हता.

ओली पोपने ठोकलं दुहेरी शतक..

या सामन्यातील पहिल्या डावात ओली पोपने २०८ चेंडूंचा सामना करत २०५ धावांची खेळी केली आहे. यासह त्याने इंग्लंडमध्ये सर्वात जलद दुहेरी शतक झळकावण्याचा विक्रम आपल्या नावावर केला आहे. यासह खेळीसह त्याने माजी फलंदाज इयाम बोथमचा विक्रम मोडून काढला आहे.