Australia A Squad For AUS A vs IND A Series: भारतीय संघासाठी येणारे काही दिवस अतिशय महत्वाचे असणार आहे. नोव्हेंबर महिन्यात भारत आणि ऑस्ट्रेलिया या दोन्ही संघांमध्ये ५ कसोटी सामन्यांची मालिका रंगणार आहे. या मालिकेपूर्वी ऑस्ट्रेलिया ए आणि भारत ए या दोन्ही संघांमध्ये २ चार दिवसीय सामने होणार आहेत.

या मालिकेसाठी ऑस्ट्रेलिया ए संघाची घोषणा करण्यात आली आहे. या संघात १७ खेळाडंचा समावेश करण्यात आला आहे. तर ब्यू वेबस्टरकडे संघाच्या कर्णधारपदाची जबाबदारी सोपवण्यात आली आहे.

कोणाला मिळालं स्थान?

शेफील्ड शिल्ड स्पर्धेत दमदार कामगिरी करणाऱ्या सॅम कोन्टासला या संघात स्थान देण्यात आलं आहे. त्याने या स्पर्धेत खेळताना दक्षिण ऑस्ट्रेलियाविरुद्ध २ शतकं झळकावली होती. यासह कॅमरुन बेनक्राफ्ट आणि मार्कस हॅरीस यांचा देखील या संघात समावेश करण्यात आला आहे. मार्कसने तस्मानियाविरुद्ध फलंदाजी करताना १४३ धावांची शानदार खेळी केली होती.

या वेगवान गोलंदाजांना मिळाली संधी

या संघात टॉड मर्फी आणि कोरी रोचिसिओली यांना देखील स्थान देण्यात आलं आहे. या दोन्ही खेळाडूंनी जर भारतीय ए संघाविरुद्ध चांगली कामगिरी केली, तर या खेळाडूंचा ऑस्ट्रेलियाच्या मुख्या संघात समावेश केला जाऊ शकतो. या मालिकेसाठी ६ वेगवान गोलंदाजांना संघात स्थान देण्यात आलं आहे.

केव्हा कोणार मालिका?

पहिला सामना - ३१ ऑक्टोबर ते ३ नोव्हेंबर

दुसरा सामना - ७ नोव्हेंबर ते १० नोव्हेंबर

या मालिकेसाठी असा आहे ऑस्ट्रेलिया ए संघ:

नाथन मॅकस्वीनी (कर्णधार), कॅमरून बेनक्रॉफ्ट, स्कॉट बोलँड, जॉर्डन बकींघम, कूपर कोनोली, ओली डेविस, मार्कस हॅरिस, सॅम कोनस्टास, नाथन मॅकएंड्रयू, माइकल नेसर, टॉड मर्फी, फर्गस ओ'नील, जिमी पीरसन, जोश फिलिप , कोरी रोचिसिओली, मार्क स्टेकेटी, ब्यू वेबस्टर.