आशियाई क्रीडा २०२३ स्पर्धेत भारतीय खेळाडू दमदार कामगिरी करत आहे. भारतीय पुरुष हॉकी संघाने या स्पर्धेच्या अंतिम फेरीत प्रवेश केला आहे.
तर दुसरीकडे महिला हॉकी संघाच्या पदरी निराशा पडली आहे. सेमीफायनलच्या सामन्यात भारतीय महिला हॉकी संघाला चीनकडून पराभवाचा सामना करावा लागला आहे. यासह दुसऱ्यांदा आशियाई क्रीडा स्पर्धेत सुवर्णपदक जिंकण्याचं स्वप्न हुकलं आहे.
भारतीय संघाला सेमीफायनलच्या सामन्यात चीनकडून ४-० ने पराभवाचा सामना करावा लागला आहे. या पराभवाने सुवर्णपदक जिंकण्याचं स्वप्न तर हुकलं आहे. आता कांस्यपदक जिंकण्यासाठी महिला हॉकी संघ मैदानावर उतरणार आहे .
या सामन्याबद्दल बोलायचं झालं तर, जियाकी झोंगने चीनसाठी पहिला गोल केला. त्यानंतर झोऊ मेइरोंगने यजमान चीन संघासाठी दुसरा गोल केला.
या सामन्यात लियांग मेइयूने चीनसाठी तिसरा गोल केला. तर गू बिंगफेंगने चौथा गोल करत चीनला भारतीय संघावर ४-० ची आघाडी मिळवून दिली.
भारतीय संघाचा कांस्यपदकाचा सामना शनिवारी होणार आहे. या सामन्यात भारतीय संघ जपान किंवा दक्षिण कोरीयाचा सामना करताना दिसून येऊ शकतो. (Latest sports updates)
भारतीय संघाने साखळी फेरीतील सामन्यात दमदार खेळ केला होता. सिंगापूरविरूद्धच्या सामन्यात भारतीय संघाने १३-० ने विजय मिळवला होता. त्यानंतर मलेशियाविरूद्ध झालेल्या सामन्यात भारतीय संघाने ६-० ने विजय मिळवला होता. दक्षिण कोरियाविरूद्ध झालेला सामना १-१ च्या बरोबरीत समाप्त झाला होता. त्यानंतर हाँगकाँगला १३-० ने धुळ चारली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.