‘क्रिकेटचा देव’ म्हणून ओळखला जाणारा सचिन तेंडुलकर याच्या घरी लवकरच लग्नाचा बार उडणार आहे. सचिनचा एकुलता एक मुलगा अर्जुन तेंडुलकर लवकरच विवाहबंधनात अडकणार आहे. मात्र अर्जुनची होणारी बायको नेमकी कोण मुलगी आहे जी सचिनची सून होणार आहे याबाबत सर्वांना उत्सुकता आहे. रिपोर्ट्सनुसार, अर्जुन तेंडुलकर होणारी पत्नी ही बालपणीची मैत्रिण आणि लाँग-टाईम गर्लफ्रेंड सानिया चंडोक आहे.

बुधवारी म्हणजेच 13 ऑगस्ट 2025 रोजी या गोंडस जोडप्याचा साखरपुडा पार पडला आहे. अशी अपेक्षा आहे की लवकरच ते विवाहबंधनात अडकतील.

प्रसिद्द उद्योजक रवि घई यांची नात आहे सानिया चंडोक

सानिया चंडोक ही देशातील प्रसिद्ध उद्योगपती रवि घई यांची नात आहे. घई कुटुंब फाईव्ह स्टार इंटरकॉन्टिनेंटल हॉटेल्स आणि ब्रुकलिन क्रीमरी सारख्या बिझनेसशी संबंधित आहे. ब्रुकलिन क्रीमरी हा हेल्थ-फ्रेंडली आइसक्रीम आणि फ्रोजन डेसर्ट ब्रँड आहे. याशिवाय ‘ग्रॅविस गुड फूड्स’ हा व्यवसायही घई कुटुंबाचा आहे.

जरी सानिया श्रीमंत आणि प्रतिष्ठित कुटुंबातून आली असली तरी ती स्वतः एक बिझनेस वुमन आहे. सध्या ती मुंबईतील ‘मिस्टर पॉज’ नावाच्या प्रीमियम पाळीव प्राणी सैलून, स्पा आणि स्टोअरची संस्थापक आहे. हा व्यवसाय तिच्या मेहनती स्वभाव आणि वेगळ्या दृष्टिकोनाचं उदाहरण मानलं जातं.

लंडन स्कूल ऑफ इकॉनॉमिक्समधून शिक्षण

सानिया चंडोक हिने लंडन स्कूल ऑफ इकॉनॉमिक्समधू पदवी घेत शिक्षण पूर्ण केलं आहे. ती अर्जुनची बहीण सारा तेंडुलकरची देखील अतिशय जिवलग मैत्रीण आहे. सोशल मीडियावर त्या दोघींचे अनेक फोटोही आहेत.

पाळीव प्राण्यांवर विशेष प्रेम

सानियाला पाळीव प्राणी आणि त्यांची काळजी घेण्याची विशेष आवड आहे. तिने प्राण्यांना दत्तक घेण्यासाठी अनेक मोहिमांमध्ये सहभाग घेतला आहे. तिचं मत आहे की प्रत्येकाने प्राण्यांबद्दल प्रेम आणि सहानुभूती ठेवली पाहिजे.