मंगळवारी आयपीएलमध्ये डबल हेडर खेळवण्यात आले. यावेळी पहिला सामना कोलकाता नाईड रायडर्स विरूद्ध लखनऊ सुपर जाएंट्स यांच्यामध्ये खेळवण्यात आला. या सामन्यात कोलकात्याचा कर्णधार अजिंक्य रहाणेने कॅप्टन्स इनिंग खेळली. मात्र उर्वरित फलंदाजांना सामना जिंकवून देता आला नाही.

मंगळवारी ईडन गार्डन्सवर झालेल्या सामन्यात रन्सचा पाऊस पडला. ४० ओव्हर्समध्ये १० विकेट्स पडल्या आणि ४७२ रन्स झाले. लखनऊ सुपर जायंट्सकडून ४ रन्सने पराभव झाल्यानंतर कोलकाता नाईट रायडर्सचा कर्णधार अजिंक्य रहाणेला पिच क्युरेटरवर संतापला.

सामन्यानंतर झालेल्या रहाणेने पत्रकार परिषदेत रहाणे म्हणाला की, मी काही बोललो तर वाद निर्माण होईल. आयपीएलमधील विचारलं असता रहाणे म्हणाले की, क्युरेटर पब्लिसीटीमुळे खूश आहेत. ते याठिकाणचं पीच किंवा मैदानाबद्दल काहीही बोलणार नाही.

काय म्हणाला अजिंक्य रहाणे?

रहाणे पुढे म्हणाला की, या विकेटबद्दल खूप काही बोललं गेलं आहे. मी काही बोललो खूप मोठा गोंधळ होईल. आमच्या क्युरेटरला आधीच खूप प्रसिद्धी मिळालीये आणि मला वाटतं की तो त्या प्रसिद्धीमुळे खूश आहे. मी इथल्या विकेटबद्दल काहीही बोलणार नाही. याविषयी मी आयपीएल आणि संबंधित अधिकाऱ्यांना विचारणा करेन.

नेमका वाद काय आहे?

मीडिया रिपोर्ट्सनुसार, ईडन गार्डन्सचे पिच क्युरेटर सुजन मुखर्जी यांनी रॉयल चॅलेंजर्स बंगळुरू विरुद्धच्या पहिल्या सामन्यासाठी स्पिनला अनुकूल पीच तयार करण्याची केकेआरचा कर्णधार रहाणेची विनंती नाकारली होती. त्यावेळी रहाणेने असंही म्हटलं की, त्याला खेळपट्टीबद्दल कोणतीही तक्रार नाही, परंतु टीमला या खेळपट्टीवर काही फिरकी गोलंदाजी करायची आहे. कोट चंद्रकांत पंडित यांनीही कर्णधाराच्या शब्दांना दुजोरा देत म्हटलेलं की, 'घरगुती मैदानाचा फायदा मिळाल्याने कोणाला आनंद होणार नाही'.

हैदराबाविरूद्धच्या सामन्यानंतर काय म्हणालेला रहाणे?

गेल्या आठवड्यात सनरायझर्स हैदराबाद विरुद्धच्या सामन्यात हा वाद मिटल्यासारखं वाटलं होतं. त्यावेळी रहाणेने खेळपट्टीबाबत समाधानी असल्याचं म्हटलं होतं. तो म्हणाला, "मी खेळपट्टीवर खरोखरच खूश आहे. हे पीच आमच्या फिरकी गोलंदाजांना अनुकूल असणार आहे. घरच्या मैदानावर तुम्हाला जे हवं ते मिळणार आहे."