Virat Kohli saam tv
Sports

Virat Kohli: १४८ वर्षांमध्ये पहिल्यांदाच होणार असा विक्रम; विराट कोहली फक्त एक पाऊल दूर, सचिनलाही टाकणार मागे

Virat leaves Sachin behind: भारतीय क्रिकेटचा सुपरस्टार विराट कोहली एका ऐतिहासिक विक्रमाच्या उंबरठ्यावर आहे. हा विक्रम तब्बल १४८ वर्षांनंतर घडणार असून विराट सचिन तेंडुलकरलाही मागे टाकणार आहे.

Surabhi Jayashree Jagdish

भारत आणि दक्षिण आफ्रिकेमधील पहिला वनडे सामना आज दुपारी 1:30 वाजता रांचीमध्ये खेळवला जाणार आहे. या सामन्यात भारताचा फलंदाज विराट कोहली आंतरराष्ट्रीय क्रिकेटमध्ये एक मोठा जागतिक विक्रम करण्यापासून फक्त एक पाऊल दूर आहे. 148 वर्षांच्या क्रिकेट इतिहासात हे पहिल्यांदाच घडणार आहे. या विक्रमासह विराट कोहली महान फलंदाज सचिन तेंडुलकर यांनाही मागे टाकतील.

148 वर्षांत पहिल्यांदा असा विक्रम

दक्षिण आफ्रिकेविरुद्ध रांचीमध्ये होणाऱ्या पहिल्या वनडे सामन्यात जर विराट कोहलीने शतक ठोकलं तर तो जागतिक विक्रम करणार आहे. सध्या विराट कोहलीच्या नावावर वनडे आंतरराष्ट्रीय क्रिकेटमध्ये 51 शतकांचा विक्रम आहे. आणखी एक शतक झळकावल्यास ते आंतरराष्ट्रीय क्रिकेटच्या एका फॉर्मेटमध्ये सर्वाधिक 52 शतकं करणारे जगातील पहिला क्रिकेटपटू ठरणार आहे.

सध्या सचिन तेंडुलकर टेस्ट क्रिकेटमध्ये 51 शतकांसह सर्वाधिक शतकं करणाऱ्या फलंदाजांच्या यादीत प्रथम क्रमांकावर आहे.

विराट कोहलीचा विक्रम

विराट कोहली वनडे आंतरराष्ट्रीय क्रिकेटमध्ये 51 शतकांसह सर्वाधिक शतकं करणारा फलंदाज आहे. आंतरराष्ट्रीय क्रिकेटच्या दोन मोठ्या फॉर्मेट्समध्ये (टेस्ट आणि वनडे) सचिन तेंडुलकर आणि विराट कोहली दोघेही 51-51 शतकांसह समान स्थितीत आहेत. मात्र विराट कोहलीने आणखी एक शतक झळकावलं तर तो सचिन तेंडुलकरला मागे टाकून आंतरराष्ट्रीय क्रिकेटच्या एका फॉर्मेटमध्ये (वनडे) सर्वाधिक 52 शतकं करणारा पहिला क्रिकेटपटू ठरणार आहे. 148 वर्षांच्या क्रिकेट इतिहासात हे पहिल्यांदाच घडलंय.

वनडे आंतरराष्ट्रीय क्रिकेटमध्ये सर्वाधिक शतकं

  • विराट कोहली (भारत) – 51 शतकं

  • सचिन तेंडुलकर (भारत) – 49 शतकं

  • रोहित शर्मा (भारत) – 33 शतकं

  • रिकी पाँटिंग (ऑस्ट्रेलिया) – 30 शतकं

  • सनथ जयसूर्या (श्रीलंका) – 28 शतकं

टेस्ट क्रिकेटमध्ये सर्वाधिक शतकं

  • सचिन तेंडुलकर (भारत) – 51 शतकं

  • जॅक कॅलिस (दक्षिण आफ्रिका) – 45 शतकं

  • रिकी पाँटिंग (ऑस्ट्रेलिया) – 41 शतकं

  • जो रूट (इंग्लंड) – 39 शतकं

  • कुमार संगकारा (श्रीलंका) – 38 शतकं

टी20 आंतरराष्ट्रीय क्रिकेटमध्ये सर्वाधिक शतकं

  • ग्लेन मॅक्सवेल (ऑस्ट्रेलिया) – 126 सामन्यांत 5 शतकं

  • रोहित शर्मा (भारत) – 159 सामन्यांत 5 शतकं

  • फिल साल्ट (इंग्लंड) – 50 सामन्यांत 4 शतकं

  • सूर्यकुमार यादव (भारत) – 95 सामन्यांत 4 शतकं

  • डॅरियस विसेर (समोआ) – 17 सामन्यांत 3 शतकं

आंतरराष्ट्रीय क्रिकेटमध्ये सर्वाधिक रन्स

सध्या आंतरराष्ट्रीय क्रिकेटमध्ये सर्वाधिक रन्स सचिन तेंडुलकरने केल्या आहेत. त्याच्या नावावर 34,357 रन्सची नोंद आह. दुसऱ्या क्रमांकावर श्रीलंकेचा महान फलंदाज कुमार संगकारा असून त्याच्या नावे 28,016 रन्स आहेत.

तिसऱ्या क्रमांकावर विराट कोहली असून त्याच्या नावे 27,673 रन्स आहेत. जर कोहलीने आणखी 344 रन्स केले तर तो संगकाराला मागे टाकून आंतरराष्ट्रीय क्रिकेटमध्ये सर्वाधिक रन्स करणाऱ्या फलंदाजांच्या यादीत दुसऱ्या क्रमांकावर पोहोचेल.

आंतरराष्ट्रीय क्रिकेटमध्ये सर्वाधिक शतकं

सचिन तेंडुलकर (भारत) – 100 शतक

विराट कोहली (भारत) – 82 शतक

रिकी पाँटिंग (ऑस्ट्रेलिया) – 71 शतक

कुमार संगकारा (श्रीलंका) – 63 शतक

जॅक कॅलिस (दक्षिण आफ्रिका) – 62 शतक

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Gold Rate: आठवड्याभरात सोन्याचे दर ३,७४९ रुपयांनी वाढले; 22K, 24K कॅरेटचे भाव किती?

Maharashtra Live News Update: नंदुरबार जिल्ह्यातील चार नगरपरिषद पालिकेत टपाली मतदानाला सुरुवात....

'मशीनवाल्याशी बोलणं झालंय, भाजप उमेदवाराला मतं मिळतील अन् तुलाही..' AUDIO क्लिप व्हायरल, चांदवडमध्ये खळबळ

Stage 0 cancer: कॅन्सरची 0 स्टेज म्हणजे काय? या स्टेजची शरीरात कोणती लक्षणं दिसून येते वाचा

Deepika Padukone : दीपिका पादुकोणचं देओल कुटुंबाशी नातं जुळणार, बहीण अनिशा लवकरच लग्नबंधनात अडकणार, सोशल मीडियावर चर्चा

SCROLL FOR NEXT