पराभवानंतर गंभीर विरोधात 'हाय-हाय'चा नारा, स्टेडिममध्ये वातावरण तापलेलं असताना सिराजने केलं असं की...! Video

भारत आणि दक्षिण आफ्रिकेमधील दोन सामन्यांची टेस्ट सिरीज भारतीय क्रिकेट इतिहासातील वाईट आठवणींमधील एक ठरली. या सिरीजमध्ये दक्षिण आफ्रिकेने भारताला 2-0 ने क्लीन स्वीप देत तब्बल २५ वर्षांनी भारताला पराभूत केलं आहे. गुवाहाटी टेस्टमध्ये भारत 408 रन्सने पराभव स्विकारावा लागला. हा पराभव टेस्ट क्रिकेटमध्ये भारताचा रन्सच्या फरकाने सर्वात मोठा पराभव होता.

गुवाहाटीत चाहत्यांनी व्यक्त संताप

इतक्या मोठ्या पराभवानंतर गुवाहाटीच्या मैदानात वातावरण तापलेलं दिसून आलं. सोशल मीडियावर व्हायरल झालेल्या एका व्हिडिओमध्ये दिसलं की, प्रेक्षकांनी भारतीय हेड कोच गौतम गंभीर यांच्या विरोधात स्टँडमधून “हाय-हाय” अशा घोषणा दिल्या. टीम इंडियाचे खेळाडू आणि कोचिंग स्टाफ मैदानात उपस्थित असताना चाहत्यांनी या घोषणा दिल्या.

सिराजने जिंकली सर्वांची मनं

याच दरम्यान वेगवान गोलंदाज मोहम्मद सिराजने असं पाऊल उचललं ज्याने सर्वांची मन जिंकली. सिराजने चाहत्यांकडे पाहून तोंडावर बोट ठेवत त्यांना शांत राहण्याचा इशारा केला. त्याचा हा इशारा स्पष्टपणे दाखवत होता की, ते हेड कोच गंभीरसोबत असं वागणं योग्य नाही. हा व्हिडिओ इंटरनेटवर व्हायरल होत असून सिराजचे सर्वत्र कौतुक होतंय.

गौतम गंभीरच्या कार्यकाळावर प्रश्नचिन्ह

गौतम गंभीर हेड कोच झाल्यापासून टीम इंडियाचा टेस्ट रेकॉर्ड फारसा चांगला झालेला नाही. आतापर्यंत भारताने गंभीरच्या कोचिंगखाली 19 टेस्ट सामने खेळले आहेत, ज्यापैकी 7 जिंकले, 10 हरले आणि 2 सामने ड्रॉ राहिले आहेत. टेस्ट क्रिकेटमध्ये मिळणाऱ्या या सतत्या पराभवानंतर टीकाकारांचं म्हणणं की, टीमला नवीन रणनीती आणि मजबूत नियोजनाची गरज आहे.

दक्षिण आफ्रिकेविरुद्ध झालेल्या दारूण पराभवानंतर गंभीर याच्या कार्यकाळावर प्रश्न उपस्थित होऊ लागले आहेत. विशेषतः घरच्या मैदानावर क्लीन स्वीप मिळणं स्वीकारार्ह नसल्याने त्याला हटवण्याची मागणी केली जातेय. यानंतर आता टीम इंडिया पुढील टेस्ट सिरीज 2026 मध्ये श्रीलंकेविरुद्ध खेळणार आहे.