शततारका

राहू ग्रहाच्या अंमलाखाली येणारे हे नक्षत्र. चारही चरण याचे कुंभ राशीत आहेत. शत आयुष्य होण्याची प्रेरणा देणारे असे शततारका नक्षत्र आहे. या नक्षत्राच्या व्यक्ती अतिशय महत्त्वाकांक्षी असतात. चौकस, चिकित्सक, अत्यंत हुशारीने दुसऱ्यावर छाप टाकणारे, स्वतःला इतरांपेक्षा विशेष समजणारे, आपले काम असल्यास तेवढ्यापुरते त्यांच्यापेक्षा कमी प्रतीच्या लोकात मिसळून आपले काम करून घेणारे, धुर्त, अत्यंत निर्भीड, मेहनती, धाडसी, पैसा आणि अधिकाराचा हव्यास असतो.

कर्तुत्ववान, कर्तबगार, मोठ्या मनाचे, स्मरणशक्ती, ग्रहणशक्ती आकलनशक्ती उत्तम, व्यवहारी वृत्ती जास्त, संशोधन वृत्ती चांगली - त्यामुळे बुद्धी, अधिकार, कर्तबगार, पराक्रमी, व्यक्ती या नक्षत्रावर असतात. ऐशोआराम आणि श्रीमंतीची आवड असते, विलासी, दुसऱ्यांचे दोष शोधाणारे, भेसळ करणे आवडते.

नोकरी व्यवसाय

या नक्षत्राच्या व्यक्ती संशोधक, वैज्ञानिक, तसेच तांत्रिक संशोधक म्हणून ओळखले जातात. कंप्यूटर मध्ये नवीन सॉफ्टवेअर तयार करणे, खगोलशास्त्रात प्रगती, पॅरासायकॉलॉजी, विद्युत कार्यात तरबेज, ऊर्जा सिद्धांत कार्यात पुढे, संशोधन, स्टॉक एक्सचेंज मध्ये, तुरुंग निरीक्षक, गुप्तहेर खाते, अधिकारी, तेल विभाग, पेट्रोलियम मध्ये संशोधन, फोटोग्राफी, ग्राफिक, टीव्ही सिनेमा क्षेत्रात अग्रेसर, डायरेक्टर, जुन्या लिपीचा अभ्यास, सिनेमा, टीव्हीवर एडिटिंग करणे इत्यादी.

रोग आजार

या नक्षत्राच्या व्यक्तींना रक्ताभिसरण दोष, हृदयाभिसरण मध्ये दोष, हृदयविकार, गुडघे दुखणे, संधिवात, कापणे, भाजणे, मानसिक विकार, मेंदूची शीर तुटणे, असे गंभीर आजारांना सामोरे जावे लागते. किरकोळ आजार या व्यक्तींच्या फारसे वाट्याला येत नाहीत.