रेल्वेमध्ये नोकरी करण्याची इच्छा असणाऱ्या तरुणांसाठी सुवर्णसंधी आहे. दक्षिण रेल्वेमध्ये विविध पदांसाठी भरती सुरु आहे. २०२४-२५ या वर्षामध्ये विविध ट्रेडमध्ये २४०० पेक्षा अधिक पदांसाठी भरती सुरु आहे. याबाबत दक्षिण रेल्वेने १८ जुलै रोजी अधिसूचना जाहीर केली आहे. या नोकरीसाठी अर्ज करण्याची शेवटची तारीख १२ ऑगस्ट आहे.

दक्षिण रेल्वेत शिकाऊ पदांसाठी ही भरती सुरु करण्यात आली आहे. या नोकरीसाठी तुम्ही sr.indianrailways.gov.in वर जाऊन अर्ज करावा लागेल. तुम्हाला या नोकरीसाठी ऑनलाइन अर्ज पोर्टला भेट द्यावी लागेल. त्यानंतर नोंदणी करुन अर्ज दाखल करावा लागेल.

शिकाऊ पदांसाठी जाहीर केलेल्या अधिसूचनेनुसार, उमेदवाराने मान्यताप्राप्त मंडळातून किमान ५० गुणांसह १० वी आणि १२वी उत्तीर्ण झालेले असावे. तर XITI च्या बाबतीत, १० वी नंतर ITI किंवा NCVT पास उमेदवार अर्ज करु शकतात. त्यामुळे सरकारी नोकरी मिळवण्याची ही सुवर्णसंधी आहे. इच्छुक उमेदवारांनी लवकरात लवकर अर्ज करावेत.

या नोकरीसाठी १५ ते २४ वयोगटातील उमेदवार अर्ज करु शकतात. या वयोमर्यादेत राखीव प्रवर्गातील उमेदवारांसाठी ३ ते ५ वर्षांची सूट देण्यात आली आहे. अधिक माहितीसाठी तुम्ही अधिकृत वेबसाइटला भेट द्या. या नोकरीसाठी तामिळनाडू, केरळ, अंदमान निकोबार, लक्षद्वीप, आंध्र प्रदेश, कर्नाटक या प्रदेशातील रहिवासी अर्ज करु शकतात.