Bank Job: जिल्हा परिषद बँकेत नोकरीची सुवर्णसंधी;१० वी आणि १२ वी पास उमेदवार करु शकतात अर्ज;जाणून घ्या सर्वकाही एका क्लिकवर

बँकेत काम करण्याची इच्छा असणाऱ्या तरुणांसाठी नोकरीची सुवर्णसंधी आहे. सेंट्रल को-ऑपरेटिव्ह बँक लिमिटेडमध्ये विविध पदांसाठी भरती जाहीर केली आहे. ११८ पदांसाठी अर्ज मागवण्यात आले आहेत. १० वी आणि १२ वी पास उमेदवारांना नोकरी मिळवण्याची ही सुवर्णसंधी आहे. जिल्हा मध्यवर्ती सहकारी बँकेने याबाबत जाहिरात प्रकाशित केली आहे. तुम्ही अधिकृत वेबसाइटवर जाऊन ही जाहीरात चेक करु शकतात.

जिल्हा मध्यवर्ती बँकेत शिपाई आणि लिपिक ही पदे भरती केली जाणार आहेत. १० वी आणि १२ वी पास उमेदवार या नोकरीसाठी अर्ज करु शकतात. ऑनलाइन पद्धतीने तुम्ही अर्ज भरु शकतात. १८ ते ४० वयोगटातील उमेदवार शिपाई या पदासाठी अर्ज करु शकतात. तर २१ ते ४० वयोगटातील उमेदवार लिपिक पदासाठी अर्ज करु शकतात.

शिपाई पदासाठी उमेदवार १० वी पास असणे आवश्यक आहे. तर लिपिक पदासाठी उमेदवाराने पदवी प्राप्त केलेली असणे गरजेचे आहे. त्याचसोबत MSCIT किंवा इतर कॉम्प्युटर परीक्षा उत्तीर्ण असणे आवश्यक आहे. भंडारा येथील शाखेसाठी ही भरती करण्यात येणार आहे.

या नोकरीसाठी अर्ज करणाऱ्या उमेदवाराने ८८५ रुपये शुल्क भरायचे आहे तर राखीव प्रवर्गातील उमेदवाराने ६५० रुपये अर्ज शुल्क भरायचे आहे. उमेदवारांना ऑनलाइ परीक्षा द्यावी लागणार आहे. त्यानंतर कागदपत्रे पडताळणीसाठी उपस्थित राहावे लागेल. ऑनलाइन परीक्षा भंडारा शहरातील केंद्रावर घेण्यात येईल. उमेदवारास मराठी आणि इंग्रजी भाषेचे ज्ञान असणे गरजेचे आहे. यासाठी तुम्हाला https://bhandaradccb.com/ किंवा https://bhandaradccb.in/ या वेबसाइटला भेट द्यावी लागेल. २ ऑगस्ट २०२४ ही अर्ज करण्याची शेवटची तारीख आहे.