सरकारी नोकरी करण्याचे स्वप्न असणाऱ्या तरुणांसाठी नोकरीची सुवर्णसंधी आहे. ईडीसारख्या मोठ्या विभागात इंजिनियर पदासाठी भरती सुरु आहे. त्यामुळे या नोकरीसाठी इच्छुक उमेदवारांनी लवकराच लवकर अर्ज करावेत. रोजच्या कामात आधुनिक तंत्रज्ञानाचा वापर वाढवण्यासाठी ही भरती करण्यात येणार आहे.
सध्या सायबर गुन्हे दिवसेंदिवस वाढत आहेत. त्यालाच आळा घालण्यासाठी ईडीने ४२ कॉम्प्युटर इंजिनियर नियुक्तीची प्रक्रिया सुरु केली आहे. यात सात सिस्टीम अॅनालिस्ट तर ३६ तांत्रिक सहकार्य कर्मचाऱ्यांची भरती केली जाणार आहे. या नोकरीसाठी निवड झालेल्या उमेदवारांना पाच वर्षांच्या कालावधीसाठी ईडीच्या संगणक प्रणालीसोबत काम करता येणार आहे.
इंटरनेटच्या माध्यमातून होणारे व्यव्हार, सायबर सिक्युरिटी सॉफ्वेअर, ई-मेल आणि व्हिडिओ कॉन्फरन्सिंग या सर्व गोष्टी हाताळण्यासाठी या उमेदवारांची निवड करण्यात येणार आहे. या भरतीमध्ये सिस्टीम अॅनालिस्ट पदासाठी तब्बल ७० हजार रुपये वेतन तर तांत्रिक सहकार्य कर्मचाऱ्यांना ५५ हजार रुपये मासिक वेतन मिळणार आहे.
ही पदभरती तीन वर्षांच्या कंत्राटी पद्धतीने होणार आहे. नोकरीचे कंत्राट पाच वर्षांपर्यंतदेखील वाढवण्यात येऊ शकते. ईडीतील काम हे संवेदनशील असल्याने उमेदवारांना गुप्तता करारावर सही करावी लागणार आहे. निवड झालेल्या उमेदवारांना देशातील विविध कार्यालयांमध्ये काम करण्याची संधी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.