सरकारी कंपनीत नोकरी करण्याची इच्छा असणाऱ्यांसाठी महत्त्वाची बातमी आहे. द ओरिएंटल इन्श्युरन्स कंपनी लिमिटेडमध्ये (OICL Recruitment) नोकरी करण्याची सुवर्णसंधी तुमच्याकडे आहे. सरकारी इन्श्युरन्स कंपनीत जनर्लिस्ट आणि हिंदी अधिकारी पदासाठी भरती जाहीर करण्यात आली आहे. या नोकरीबाबत अधिसूचना जाहीर करण्यात आली आहे. या नोकरीसाठी इच्छुकांनी ऑनलाइन पद्धतीने अर्ज करायचे आहे.

अर्ज करण्याची शेवटची तारीख (OICL Recruitment Application Last date)

द ओरिएंटल इन्श्युरन्स कंपनी लिमिटेडमधील नोकरीसाठी अर्जप्रक्रिया १ डिसेंबरपासून सुरु होणार आहे. या नोकरीसाठी अर्ज करण्याची शेवटची तारीख १५ डिसेंबर २०२५ आहे.त्यामुळे इच्छुकांनी मुदतीपूर्वी अर्ज करावे.

निवड प्रक्रिया (Selection Process)

द ओरिएंटल इन्श्युरन्स कंपनी लिमिटेडमधील या नोकरीसाठी उमेदवारांची निवड लेखी परीक्षद्वारे होणार आहे. सर्वात आधी प्रिलियम्स परीक्षा होईल त्यानंतर मुख्य परीक्षा आणि त्यानंतर इंटरव्ह्यू घेतला जाईल. टियर १ परीक्षा १० जानेवारी २०२६ रोजी होणार आहे.टियर २ परीक्षा २८ फेब्रुवारी रोजी होणार आहे. या नोकरीसाठी अर्ज करणाऱ्या उमेदवारांनी कोणत्याही मान्यताप्राप्त विद्यापीठातून डिग्री प्राप्त केलेली असावी.

या नोकरीसाठी तुम्हाला orientalinsurance.org.in या वेबसाइटवर जाऊन अर्ज करायचा आहे. डिसेंबर महिन्यात या नोकरीसाठी अर्जप्रक्रिया सुरु होणार आहे. या नोकरीसाठी अर्ज करताना सुरुवातीला रजिस्ट्रेशन करावे त्यानंतर लॉग इन करुन अर्ज करावा. या नोकरीसाठी अर्ज करताना सामान्य प्रवर्गातील उमेदवारांना १००० रुपये शुल्क भरायचे आहे तर राखीव प्रवर्गातील उमेदवारांना २५० रुपये शुल्क भरायचे आहे.