Mumbai Port Recruitment 2024: मुंबईत सरकारी नोकरी करण्याची अनेकांची इच्छा असते. लाखो रुपये पगाराची नोकरी मिळवण्याचे तरुणांचे स्वप्न असते. मुंबई पोर्टमध्ये नोकरीची सुवर्णसंधी आहे. मुंबई पोर्ट ऑथोरिटीमध्ये सिनियर अकाउंट्स, असिस्टंट एक्झिक्युटिव्ह, इंजिनियरसह अनेक पदांसाठी भरती जाहीर करण्यात आली आहे.

मुंबई पोर्टमध्ये नोकरीसाठी अर्जप्रक्रिया ३१ ऑगस्ट २०२४ पासून सुरु झाली आहे. तुम्ही mumbaiport.gov.in या वेबसाइटवर जाऊन अर्ज करु शकतात. या नोकरीसाठी अर्ज करण्याची शेवटची तारीख २७ सप्टेंबर २०२४ आहे.

मुंबई बंदर प्राधिकरण हे बंदरे, जहाज आणि जलमार्ग मंत्रालयाच्या अंतर्गत कार्यरत आहेत. याअंतर्गत ग्रेड I आणि ग्रेड III च्या पदांसाठी नियुक्ती केली जाणार आहे. सिनियर अकाउंट्स ऑफिसर, असिस्टंट एक्झिक्युटिव्ह इंजिनियर, असिस्टंट ट्राफिक मॅनेजर आणि हिंदी ट्रान्सलेटर या पदांसाठी ही भरती करण्यात येणार आहे.

या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून ग्रॅज्युएशन/पोस्ट ग्रॅज्युएशन / इंजिनियर / सीए पदवी प्राप्त केलेली असावी. या नोकरीबाबत अधिसूचना तुम्ही वेबसाइटवर पाहू शकतात.

मुंबई पोर्ट ऑथोरिटीमध्ये नोकरीसाठी अर्ज करणाऱ्या उमेदवाराचे वय १८ ते ३५ वर्ष असणे गरजेचे आहे. या नोकरीसाठी उमेदवारांना १९६००० ते १६०००० रुपये पगार मिळणार आहे. या नोकरीसाठी उमेदवारांना लेखी परीक्षा द्यावी लागणार आहे.

या नोकरीसाठी अर्ज करताना सामान्य प्रवर्गातील उमेदवारांना ७५० रुपये अर्ज शुल्क भरावे लागणार आहे. तर राखीव प्रवर्गातील उमेदवारांना २५० रुपये अर्ज शुल्क भरावे लागणार आहे. लेखी परिक्षेनंतर उमेदवारांची कागदपत्रे पडताळणी केली जाईल. त्यानंतर वैद्यकीय तपासणी केली जाईल. यानंतरच उमेदवारांची निवड केली जाईल.