रेल्वेमध्ये नोकरी करण्याची इच्छा असणाऱ्या तरुणांसाठी आनंदाची बातमी आहे. कोकण रेल्वेत नोकरीची संधी आहे. कोकण रेल्वे कॉर्पोरेशन लिमिटेडने याबाबत अधिसूचना जाहीर केली आहे. या नोकरीसाठी अर्जप्रक्रिया १६ सप्टेंबर २०२४ म्हणजेच आजपासून सुरु होणार आहे.

कोकण रेल्वेत काम करण्यासाठी इच्छुक उमेदवारांना लवकरात लवकर अर्ज करावेत. तुम्ही कोकण रेल्वेच्या kokanrailway.com वर जाऊन अर्ज करु शकतात.

कोकण रेल्वेच्या या भरती मोहिमेत १९० पदे भरली जाणार आहे. सिनियर सेक्शन इंजिनियर, टेक्निशियन, असिस्टंट लोको पायलट, स्टेशन मास्तर, गुड्स ट्रेन मॅनेजर, कमर्शियल सुपरवाइजर, ट्रॅक मेंटेनर या पदासांठी भरती होणार आहे. या भरतीसाठी गोवा, महाराष्ट्र आणि कर्नाटकमधील मूळ रहिवासी अर्ज करु शकतात. त्यामुळे इच्छुक उमेदवारांनी लवकरात लवकर अर्ज करावेत.

या नोकरीसाठी अर्ज करण्याची शेवटची तारीख ६ ऑक्टोबर २०२४ आहे. तुम्ही ६ ऑक्टोबरपर्यंत अर्ज करु शकतात.

या नोकरीसाठी शैक्षणिक पात्रता पदानुसार वेगवेगळी आहे. सिनियर सेक्शन इंजिनियर पदासाठी मॅकेनिकल किंवा इलेक्ट्रिकल विषयात पदवी प्राप्त केलेली असावी. टेक्निशियक पदासाठी संबंधित क्षेत्रातील आयटीआय डिप्लोमा केलेला असावा.याबाबत माहिती अधिकृत वेबसाइटवर देण्यात आली आहे. (Kokan Railway Recruitment)

१८ ते ३६ वयोगटातील उमेदवार या नोकरीसाठी अर्ज करु शकतात. या नोकरीसाठी उमेदवारांना कोणतीही लेखी परीक्षा द्यावी लागणार नाही. पदानुसार अॅप्टीट्यूट टेस्ट होईल. त्यानंतर कागदपत्रे पडताळणी आणि वैद्यकीय चाचणी होईल. त्यानंतर उमेगवारांची निवड करण्यात येईल.

अर्ज करण्यासाठी उमेदवारांना ८८५ रुपये शुल्क भरावे लागणार आहे. या नोकरीसाठी सिनियर सेक्शन इंजिनियर पदासाठी ४९००० रुपये मासिक वेतन मिळणार आहे. टेक्निशियन पदासाठी १९९०० रुपये वेतन मिळणार आहे. स्टेशन मास्तर पदासाठी ३५४०० रुपये वेतन मिळणार आहे. (Kokan Railway Job)