भारतीय रेल्वेमध्ये नोकरीची मोठी संधी आहे. आयआरसीटीसी अंतर्गत भरची करण्यात येण्यात आहे. टुरिझम मॉनिटर्स या पदांसाठी ही भरती करण्यात येणार आहे. ज्या लोकांना रेल्वेत नोकरी करण्याची इच्छा असेल त्यांनी या नोकरीसाठी अर्ज करावेत. आयआरसीटीसी अंतर्गत टुरिझम मॉनिटर्ससाठी २ रिक्त पदांवर भरती करण्यात येणार आहे. (IRCTC Recruitment)

टुरिझम मॉनिटर्स या पदासाठी अर्ज करणाऱ्या उमेदवाराकडे टुरिझम बॅचलर्सची पदवी असणे गरजेचे आहे. ज्या लोकांना फिरण्याची आवड आहे. वेगवेगळ्या जागांना भेट देण्यास आवडते त्यांनी या नोकरीसाठी अर्ज करावा.

टुरिझम मॉनिटर्स या पदासाठी निवड झालेल्या उमेदवाराला ३०,००० ते ३५,००० रुपये मासिक वेतन दिले जाते. याबाबत सर्व माहिती https://www.irctc.com/index.html या अधिकृत वेबसाइटवर दिली आहे. याबाबत अधिसूचना आयआरसीटीसीच्या वेबसाइटवर जाहीर करण्यात आली आहे.

टुरिझम मॉनिटर्स या पदासाठी इच्छुक असणाऱ्या उमेदवारांनी ऑफलाइन पद्धतीने अर्ज करायचा आहे. उमेदवारांची निवड मुलाखतीद्वारे करण्यात येणार आहे. ३ जुलै रोजी सकाळी १०.३० ते ५.३० या वेळेत ही मुलाखत घेतली जाणार आहे. इन्स्टिट्यूट ऑफ हॉटेल मॅनेजमेंट, वीर सावरकर मार्ग, दादर (प), मुंबई ४०००२८ या ठिकाणी ही मुलाखत घेतली जाणार आहे. मुलाखतीच्या दिवशी अधिसूचनेत दिलेला फॉर्म सोबत घेऊन जावे. जर तुम्हाला या नोकरीसाठी अर्ज करायचा असेल तर तुम्ही आयआरसीटीसीच्या अधिकृत वेबसाइटला भेट द्या.