नवी दिल्ल्ली : फेसबुकची मूळ कंपनी असलेल्या मेटाने काही दिवसांपूर्वी आपल्या जागतिक स्तरावरील कर्मचार्‍यांमध्ये ५% कपातीची घोषणा केली होती. तरीही, कंपनीने भारतीयांसाठी संधीची दारे खुली केली आहेत, कंपनीने बेंगळुरूमध्ये नवीन कार्यालय उघडले आहे. या कार्यालयात अभियांत्रिकी आणि उत्पादन विभागांसाठी नोकरभरती सुरू करण्यात आली आहे. मेट्यातील एका बड्या प्रवक्त्याने या बातमीला दुजोरा दिला आहे.

मेटा भविष्यातील उत्पादने विकसित करण्यासाठी सॉफ्टवेअर इंजिनिअर्सच्या शोधात आहे, आणि त्यासाठी बेंगळुरूमध्ये एंटरप्राइझ इंजिनिअरींग टीमची स्थापना करण्यात येणार आहे. यामुळे अंतर्गत टीम्सची उत्पादकता वाढवण्यासाठी नवीन उत्पादने तयार केली जातील.

मेटा भारतात २०१० मध्ये पहिलं कार्यालय उघडून आता गुरुग्राम, नवी दिल्ली, हैदराबाद, मुंबई आणि बेंगळुरूमध्ये कार्यरत आहे. या कार्यालयांमध्ये फेसबुक, इंस्टाग्राम आणि व्हॉट्सॲप सारख्या टीमव्यतिरीक्त विक्री, विपणन, व्यवसाय विकास, धोरण, कायदा आणि वित्त विभागांतील कर्मचारी देखील आहेत.

मेटाचा भारतातील फोकस सध्या इंजिनिअरींग टॅलेंटवर आहे, आणि त्याचबरोबर सॉफ्टवेअरसोबतच हार्डवेअर अभियंत्यांचीही भरती केली जात आहे. आर्टिफिशियल इंटेलिजेन्स (AI) क्षेत्रात मोठ्या कंपन्या, जसे गुगल, मायक्रोसॉफ्ट आणि ओपनएआय, स्पर्धा करत आहेत, आणि मेटा या स्पर्धेत सहभागी होण्यासाठी मोठ्या प्रमाणावर AI इन्फ्रास्ट्रक्चरमध्ये गुंतवणूक करत आहे. मेटा २०२५ पर्यंत ६० ते ६५ अब्ज डॉलर्स खर्च करून AI क्षेत्रात आपला दबदबा वाढवण्याची योजना करत आहे.

Edited By - Purva Palande