जर तुमचे शिक्षण पूर्ण झाले असेल आणि तुम्हाला काम करायचे असेल तर ही तुमच्यासाठी महत्त्वाची बातमी आहे. भारतातील सर्वात मोठ्या रिसर्च सेंटर डीआरडीओमध्ये इंटर्नशिप करण्याची सुवर्णसंधी आहे. संरक्षण संशोधन आणि विकास संघटनेत सध्या अंडर ग्रॅज्युएट किंवा पोस्ट ग्रॅज्युट विद्यार्थ्यांना काम करण्याची संधी आहे. १ जानेवारी २०२६ पासून डीआरडीओमध्ये पेड इंटर्नशिप दिली जाणार आहे.

डीआरडीओमधील ही इंटर्नशिप इंजिनियरिंग आणि सायन्स शाखेतील विद्यार्थ्यांसाठी असणार आहे. त्यांना सरकारी रिसर्च सेंटरमध्ये काम करण्याची संधी तुम्हाला मिळणार आहे.

डीआरडीओची पेड इंटर्नशिप सहा महिन्यांसाठी असणार आहे. यासाठी अर्जप्रक्रिया सुरु झाली आहे. या इंटर्नशिपसाठी विद्यार्थी रिमोट सेन्सिंग आणि जिओइन्फॉरमॅटिक्ससाठी अर्ज करु शकतात. या इंटर्नशिपसाठी अर्ज करण्याची शेवटची तारीख १५ डिसेंबर २०२५ असणार आहे.

डीआरडीओमधील इंटर्नशिपसाठी उमेदवारांनी विद्यापीठातून अभियांत्रिकी किंवा विज्ञान शाखेतून पदवी किंवा पदव्युत्तर पदवी प्राप्त केलेली असावी. या नोकरीसाठी २८ पेक्षा कमी वयोगटातील उमेदवा अर्ज करु शकतात. AICTE किंवा UGC मान्यताप्राप्त विद्यापीठातून पदवी प्राप्त उमेदवार अर्ज करु शकतात.

परीक्षेशिवाय निवड (DRDO Internship Without Exam)

या इंटर्नशिपसाठी उमेदवारांची परीक्षेशिवाय निवड केली जाणार आहे. उमेदवारांना किमान ७५ टक्के किंवा ७.५ सीजीपीए असणे आवश्यक आहे. या नोकरीसाठी कागदपत्र पडताळणी केली जाणार आहे. इंटर्नशिपसाठी दर महिन्याला ५००० रुपये स्टायपेंड मिळणार आहे.

या नोकरीसाठी तुम्हाला ऑफलाइन पद्धतीने अर्ज करावा लागणार आहे. यासाठी अर्ज डिफेन्स, जिओइन्फॉर्मॅटिक्स रिसर्च एस्टॅब्लिशमेंट, डिफेन्स रिसर्च अँड डेव्हलपमेंट ऑर्गनायझेशन, सेक्टर ३७A, चंदीगड १६००३६ या पत्त्यावर पाठवायचा आहे.