RITES Recruitment: रेल्वे मंत्रालयाच्या कंपनीत नोकरीची सुवर्णसंधी; मिळणार भरघोस पगार; पात्रता काय? वाचा

चांगल्या कंपनीत नोकरी करण्याचे अनेकांचे स्वप्न असते.आता तुम्हाला सरकारी कंपनीत नोकरी करण्याची संधी मिळणार आहे. राइट्स लिमिटेडमध्ये सध्या विविध पदांसाठी भरती जाहीर करण्यात आली आहे. राइट्स लिमिटेड ही रेल्वे मंत्रालयाअंतर्गत काम करते. या कंपनीत असिस्टंट मॅनेजर पदांसाठी भरती जाहीर केली आहे.

राइट्समधील नोकरीबाबत सविस्तर माहिती तुम्हाला अधिकृत वेबसाइटवर मिळणार आहे. जर तुम्ही इंजिनियरिंगचे शिक्षण घेतले असेल तर ही तुमच्यासाठी उत्तम संधी आहे. या नोकरीबाबत www.rites.com वर जाहिरात प्रसिद्ध करण्यात आली आहे. या नोकरीसाठी अर्जप्रक्रिया २५ डिसेंबरपासून सुरु झाली आहे. या नोकरीसाठी अर्ज करण्याची शेवटची तारीख २५ डिसेंबर २०२५ असणार आहे.

राइट्स लिमिटेडमधील ही भरती सिविल, इलेक्ट्रिकल, सिग्नल अँड टेलीकम्युनिकेशन, मेकॅनिकल, मेटलर्जिकल, केमिकल, फार्मा फूड टेक्नोलॉजी पदांसाठी भरती जाहीर करण्यात आली आहे.

पात्रता

राइट्समधील नोकरीसाठी अर्ज करणाऱ्या उमेदवारांना मान्यताप्राप्त विद्यापीठातून सिविल इंजिनियरिंग, इलेक्ट्रिकल, इलेक्ट्रॉनिक्स, पॉवर सप्लाय, इलेक्ट्रिकल, मेकॅनिकल इंजिनियरिंग, कॉम्प्युटर इंजिनियरिंग, फार्मसीमध्ये डिग्री प्राप्त केलेली असावी. याचसोबत उमेदवारांना संबंधित क्षेत्रात २ वर्षांचा कामाचा अनुभव असायला हवा.

या नोकरीसाठी उमेदवारांची निवड लेखी परीक्षेद्वारे होणार आहे. लेखी परीक्षा ११ जानेवारी २०२६ रोजी होणार आहे.यानंतर इंटरव्ह्यूसाठी बोलावले जाणार आहे. या नोकरीसाठी निवड झाल्यावर ४२,४७८ रुपये पगार मिळणार आहे.

अर्ज कसा करावा?

सर्वात आधी तुम्हाला http://www.rites.com वेबसाइटवर जायचे आहे.

यानंतर रजिस्ट्रेशन करावे. यानंतर तुम्हाला तुमची सर्व माहिती भरुन सबमिट करायची आहे.

यानंतर लॉग इन केल्यानंतर सर्व माहिती भरा. सही आणि फोटो अपलोड करावा.

यानंतर फॉर्म सबमिट करावा. त्याआधी प्रिंट आउट काढून ठेवा.