Government Job: १०वी पास आहात? सुरक्षा मंत्रालयाच्या कंपनीत नोकरीची सुवर्णसंधी; अर्ज कसा करायचा?

शिक्षण पूर्ण झालंय अन् नोकरी शोधताय तर तुमच्यासाठी उत्तम संधी आहे. भारत सरकारच्या कंपनीअंतर्गत अप्रेंटिस पदांसाठी भरती जाहीर करण्यात आली आहे. भारत डायनामिक्स लिमिटेडमध्ये सध्या भरती जाहीर करण्यात आली आहे. विविध ट्रेडमध्ये ही भरती केली जाणार आहे. या नोकरीसाठी जाहिरात प्रसिद्ध करण्यात आली आहे.

भारत डायनामिक्समधील या नोकरीसाठी अर्जप्रक्रिया ८ डिसेंबरपासून सुरु होणार आहे. फिटर, इलेक्ट्रिशियमन, मेकॅनिस्ट, वेल्डर अशा अनेक पदांसाठी भरती होणार आहे. विविध ट्रेड विभागात भरती होणार आहे.

भारत डायनामिक्स लिमिटेड ही कंपनी भारत सरकारच्या सुरक्षा मंत्रालयाअंतर्गत येते. यामध्ये अप्रेंटिसशिप पदासाठी भरती होणार आहे. त्यामुळे सरकारी कंपनीत काम कसे होते, कशा पद्धतीने काम करावे लागते याबाबत सर्व माहिती मिळणार आहे. अप्रेंटिसशिपमध्ये ट्रेनिंग कालावधीत तुम्हाला स्टायपेंडदेखील मिळणार आहे.

भारत डायनामिक्समधील नोकरीसाठी अर्जप्रकिया ८ डिसेंबरला सुरु होणार आहे. तुम्हाला १२ डिसेंबरपर्यंत अर्ज करायचा आहे. १४ ते ३० वयोगटातील उमेदवारांनी या नोकरीसाठी अर्ज करायचा आहे. तुम्ही bdl-india.in वर जाऊन अर्ज करु शकतात. कंपनीत एकूण १५६ पदांसाठी भरती जाहीर करण्यात आली आहे.

भारत डायनामिक्समधील ही भरती कोणत्याही परीक्षेशिवाय होणार आहे. तुमची निवड थेट मेरिट लिस्टद्वारे होणार आहे. त्यामुळे तुमच्या शैक्षणिक पात्रतेनुसार नियुक्ती केली जाणार आहे.

अप्रेंटिस पदासाठी अर्ज करणाऱ्या उमेदवारांनी कोणत्याही मान्यताप्राप्त बोर्डातून १०वी पास असणे गरजेचे आहे. याचसोबत त्याच्याकडे आयटीआय सर्टफिकेट असावे. या नोकरीसाठी अर्ज करताना राखीव प्रवर्गातील उमेदवारांना वयोमर्यादेत सूट मिळणार आहे.

अर्ज कसा करावा? (BDL Recruitment Application process)

सर्वात आधी https://www.apprenticeshipindia.gov.in/ या वेबसाइटवर जायचे आहे.

तिथे तुम्हाला भारत डायनामिक्स लिमिटेड, अप्रेंटिंस असं दिसेल त्यावर क्लिक करा.

यानंतर आधार नंबर, नाव, जन्मतारीख टाकून रजिस्ट्रेशन करायचे आहे.

यानंतर तुमची शैक्षणिक माहिती भरायची आहे.

यानंतर तुमचा फोटो आणि सही अपलोड करा.

यानंतर अर्ज सबमिट केल्यानंतर प्रिंट आउट काढून ठेवा.