बृहन्मुंबई महानगरपालिकेत नोकरीची सुवर्णसंधी आहे. काही दिवसांपूर्वी मुंबई महानगरपालिकेत लिपिक पदासाठी भरती जाहीर केली होती. या भरतीसाठी अर्ज करण्यासाठी मुदतवाढ झाली आहे. आता तुम्ही ११ ऑक्टोबरपर्यंत अर्ज करु शकतात.

बृहन्मुंबई महानगरपालिकेत विविध खात्यात गट क म्हणजेच ग्रुप सी मधील कार्यकारी सहायक पदासाठी ही भरती जाहीर करण्यात आली आहे. १८४६ पदांसाठी ही भरती जाहीर करण्यात आली आहे. या नोकरीसाठी अर्ज करण्याचा शेवटची तारीख ९ सप्टेंबर होती. मात्र, ही मुदत वाढवून ३१ ऑक्टोबर केली आहे. या नोकरीसाठी अजूनही उमेदवार अर्ज करु शकतात. ज्यांनी याआधी अर्ज केले आहेत त्यांनी पुन्हा अर्ज करण्याची गरज नाही.

ग्रुप सी कार्यकारी सहायक पदांसाठी ही भरती करण्यात येणार आहे. यामध्ये विविध प्रवर्गातील उमेदवारांसाठी राखीव जागा ठेवण्यात आल्या आहेत. या नोकरीसाठी १०वी पास ते मान्यतप्राप्त विद्यापीठातून कोणत्याही शाखेतून पदवीधर झालेले उमेदवार अर्ज करु शकतात.तसेच त्यांच्याकडे मराठी व इंग्रजी टंकलेखनाचे प्रमाणपत्र असायला हवे.

१८ ते ३८ वयोगटातील उमेदवार या नोकरीसाठी अर्ज करु शकतात.या नोकरीसाठी उमेदवारांची निवड परिक्षेद्वारे केली जाणार आहे. तुम्हाला ऑनलाइन परीक्षा द्यावी लागणार आहे. मराठी भाषा व्याकरण, सामान्य ज्ञान, इंग्रजी भाषा व व्याकरण, बौद्धिक चाचणी यासंबंधित परीक्षा होणार आहे.

या नोकरीसाठी सामान्य प्रवर्गातील उमेदवारांना अर्ज करताना १००० रुपये शुल्क भरावे लागणार आहे तर राखीव प्रवर्गातील उमेदवारांना ९०० रुपये अर्ज शुल्क भरावे लागणार आहे. या नोकरीसाठी तुम्हाला ऑनलाइन पद्धतीने अर्ज करायचा आहे. बृहन्मुंबई महानगरपालिकेच्या अधिकृत वेबसाइटवर जाऊन अर्ज करु शकतात.