नोकरीच्या शोधात असणाऱ्या तरुणांसाठी आनंदाची बातमी आहे. भारत हेवी इलेक्ट्रिकल्स लिमिटेडमध्ये नोकरी करण्याची सुवर्णसंधी तुमच्याकडे आहे. इंजिनियर ट्रेनी आणि सुपरवायजर ट्रेनी पदासाठी ही भरती जाहीर करण्यात आली आहे. या नोकरीसाठी इच्छुक उमेदवारांनी अर्ज करावेत. (BHEL Recruitment)

बीएचईएलमधील नोकरीसाठी तुम्ही ऑनलाइन पद्धतीने अर्ज करु शकतात. याबाबत अधिसूचना जाहीर करण्यात आली आहे. या नोकरीसाठी अर्जप्रक्रिया १ फेब्रुवारीपासून सुरु होणार आहे. या नोकरीसाठी अर्ज करण्याची शेवटची तारीख २८ फेब्रुवारी २०२५ आहे.

भारत हेवी इलेक्ट्रिकल लिमिटेडमध्ये ४०० रिक्त पदांसाठी भरती जाहीर करण्यात आली आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून संबंधित क्षेत्रात डिग्री किंवा डिप्लोमा केलेले असावा. (BHEL Recruitment 2025)

या नोकरीसाठी अर्ज करणाऱ्या उमेदवाराची वयोमर्यादा २७ ते १९ वर्षापेक्षा जास्त नसावी. या नोकरीबाबत अधिकृत अधिसूचना जाहीर करण्यात आली आहे.

या भरती मोहिमेत उमेदवारांची निवड लेखी परीक्षेद्वारे केली जाणार आहे. ही परीक्षा एप्रिल महिन्यात होऊ शकते. यानंतर उमेदवारांची निवड केली जाणार आहे.

या भरती मोहिमेत इच्छुक उमेदवारांनी अधिकृत वेबसाइटवर जाऊन अर्ज करायचा आहे. या नोकरीसाठी अर्ज करताना फॉर्म भरायचा आहे. त्यानंतर शुल्क भरायचे आहे.सामान्य प्रवर्गातील उमेदवारांना १०७२ रुपये शुल्क भरावे लागणार आहे. राखीव प्रवर्गातील उमेदवारांना ४७२ रुपये अर्ज शुल्क भरावे लागणार आहे.