बँकेत नोकरी करायची अनेकांची इच्छा असते. जर तुम्हालाही बँकेत नोकरी करायची इच्छा असे तर ही बातमी खास तुमच्यासाठी. बँक ऑफ बडोदामध्ये विविध पदांसाठी भरती जाहीर केली आहे. या नोकरीसाठी इच्छुक उमेदवारांनी लवकरात लवकर अर्ज करावेत.

बँक ऑफ बडोदामध्ये कॉन्ट्रॅक्ट पोस्ट्स (मॅनेजर आणि इतर पदे) साठी जाहिरात प्रकाशित करण्यात आली आहे. ५९२ रिक्त पदांसाठी ही भरती जाहीर करण्यात आली आहे. या नोकरीसाठी तरुणांनी अर्ज करावेत. (Bank Of Baroda Recruitment)

कॉन्ट्रॅक्ट पोस्ट पदासाठी उमेदवारांनी ऑनलाइन पद्धतीने अर्ज करायचे आहे. या नोकरीसाठी अर्ज करण्याची शेवटची तारीख १९ नोव्हेंबर २०२४ आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून कोणत्याही शाखेची पदवी प्राप्त केलेली असावी. (CA/CMA/CFA/CS)/B.E/B.Tech/M.Tech/M.E/MCA पदवी प्राप्त उमेदवार अर्ज करु शकतात. याचसोबत उमेदवाराकडे अनुभव असायला हवा. (Bank Of Baroda Job)

बँक ऑफ बडोदामधील या नोकरीसाठी फायनान्स विभाग, एमएसएमई, डिजिटल विभागात पदवी प्राप्त केलेली असावी.या नोकरीसाठी अर्ज करताना उमेदवारांना ६०० रुपये अर्ज फी भरावी लागणार आहे. मॅनेजर, डिपार्टमेंट हेड, रिलेशनशिप मॅनेजर अशा विविध पदांसाठी भरती केली जाणार आहे.या नोकरीबाबत सविस्तर माहिती बँकेच्या वेबसाइटवर देण्यात आली आहे. इच्छुक उमेदवारांनी अर्ज करावेत.