50 Year Old Woman Marries Son’s Friend : आजकाल नातेसंबंध इतके गुंतागुंतीचे झाले आहेत की, त्यांना समजून घेणे कठीण झाले आहे. कोण सासूबरोबर लग्न करत आहे, कोणी सासऱ्यासोबत पळून जात आहे, तर कोणी लग्न केल्यानंतर प्रियकर/ प्रेयसीसह पळून जात आहे. अशीच एक विचित्र प्रेमकथा समोर आली आहे. एका ५० वर्षीय महिलेने तिच्या मुलाच्या मित्राशी लग्न केले आहे. महिलेच्या गरोदरपणाच्या बातमीने सोशल मीडियावर खळबळ उडाली आहे.

हे प्रकरण चीनमधले आहे. ५० वर्षीय महिला सिस्टर शिन म्हणून प्रसिद्ध आहे. ती ग्वांगझूमध्ये ई-कॉमर्स व्यवसाय करते. या महिलेने वयाच्या ३० व्या वर्षी तिच्या पहिल्या नवऱ्याला घटस्फोट दिला. त्यांना एक मुलगा आणि एक मुलगी अशी दोन मुलं आहेत. घटस्फोट झाल्यानंतर या महिलेने दोन्ही मुलांना वाढवले.

एससीएमपीच्या अहवालानुसार, सहा वर्षांपूर्वी सिस्टर शिनच्या मुलाने, कैकाईने त्याच्या तीन परदेशी मित्रांना न्यू इयरच्या डिनर पार्टीसाठी आमंत्रित केले होते. तेव्हा डेफू हा कैकाईचा रशियन मित्र पार्टीला आला होता. डेफू हा कैकाईपेक्षा एका वर्षाने मोठा होता. चीनमध्ये अनेक वर्ष राहिल्याने डेफू चिनी भाषा बोलण्यात पारंगत झाला होता. सिस्टर शिन यांच्या चांगल्या वागणूकीमुळे डेफूने त्याचा एका दिवसाचा मुक्काम आठवडाभरासाठी वाढवला.

'न्यू इयर पार्टीनंतर डेफूने मला फोन केला. तो मला अनेक भेटवस्तू पाठवत राहिला. दोघांच्या वयामध्ये २० वर्षांपेक्षा जास्त फरक असतानाही डेफूने मला प्रपोज केले. सुरुवातीला मी नकार दिला. पण मुलाच्या, कैकाईच्या आग्रहावरुन मी डेफूच्या मागणीला होकार दिला आणि आम्ही लग्न केले', अशी माहिती सिस्टर शिन यांनी दिली.

काही दिवसांपूर्वी सिस्टर शिन यांनी एका व्हिडीओद्वारे गरोदर असल्याची घोषणा केली. वयाच्या ५० व्या वर्षी गर्भवती राहिल्याने सिस्टर शिन यांच्या प्रेमकथेची सोशल मीडियावर चर्चा होत आहे. काही लोकांनी त्यांचे समर्थन केले आहे, तर काहीजणांनी सिस्टर शिन यांच्या निर्णयावर प्रश्न उपस्थित केले आहेत.