Viral Video : मी मुसलमान, यांचं काय.. हे दगडाच्या समोर पूजा करणारे लोक..; मूर्तीपूजेवर टीका करणाऱ्या व्यक्तीला अटक

Hyderabad Viral Video : हैदराबादमधील नारायणगुडा भागात एका मुस्लिम व्यक्तीचा हिंदू देवता आणि मूर्तीपूजेबद्दल अपमानास्पद टिप्पणी केल्याप्रकरणी अटक करण्यात आली आहे. शनिवारी (२८ जून) रोजी या व्यक्तीवर आरोप करण्यात आले होते. या प्रकरणामुळे परिसरात तणावपूर्ण स्थिती निर्माण झाली आहे. एका हॉटेलसमोर या व्यक्तीने गोंधळ घातला होता. या घटनेचा व्हिडीओ सोशल मीडियावर व्हायरल होत आहे.

मिळालेल्या माहितीनुसार, हॉटेलच्या बिलावरुन या वादाला सुरुवात झाली. मुस्लिम व्यक्तीने दुसऱ्या ग्राहकाशी भांडायला सुरुवात केली. 'मी ४५० रुपये दिले. आता मला १४० रुपये परत मिळायला हवेत. मी मुस्लिम आहे आणि माझ्या श्रद्धेवर मला ठाम विश्वास आहे. हे दगडाच्या समोर पूजा करणारे लोक...' असे मुस्लिम व्यक्तीने म्हटल्याचे व्हिडीओमध्ये पाहायला मिळते.

हिंदू देवता आणि मूर्तीपूजनाबद्दल केलेल्या वक्तव्यामुळे त्या ठिकाणी लगेचच तणाव वाढला. तेथे उपस्थित लोक त्या मुस्लिम व्यक्तीला धक्काबुक्की करायला लागले. काही त्या व्यक्तीला मारहाण देखील केली. परिस्थिती नियंत्रणात आणण्यासाठी पोलीस घटनास्थळी पोहोचले. व्हायरल व्हिडीओमधील व्यक्तीला पोलिसांनी अटक केली.

भारतीय न्याय संहितेच्या कलम ३०२ (धार्मिक भावना दुखावणे), कलम १९६ (धार्मिक तेढ निर्माण करणे), कलम ३५१ (धमकी देणे) यांच्या अंतर्गत मुस्लिम व्यक्तीवर गुन्हा दाखल करण्यात आला आहे. त्याला पोलिसांनी अटक देखील करण्यात आली आहे. तणाव वाढू नये यासाठी पोलिसांनी त्या व्यक्तीची ओळख गोपनीय ठेवण्याचा निर्णय घेतला आहे. नागरिकांनी शांतता राखण्याचे आणि सोशल मीडियावर प्रक्षोभक मजकूर टाकणे टाळण्याचे आवाहन हैदराबाद पोलिसांनी केले आहे.