बिहार: भारतीय कम्युनिस्ट पक्षाचे ज्येष्ठ नेते आणि माजी जिल्हा सचिव सुनिल सिंह यांचे निधन झाले आहे. त्यांच्या निधनामुळे पक्षात शोककळा पसरली आहे. त्यांच्या निधनाने संघटनेला मोठी हानी झाल्याचे माकपने म्हटले आहे.

सुनिल सिंह हे माकपाचे माजी आमदार अजीत सरकार यांचे निकटवर्तीय होते. त्यांनी पक्ष संघटन मजबूत करण्यासाठी महत्वपूर्ण भूमिका बजावली होती. तसेच अनेक वर्षांपासून पक्ष मजबूत व्हावा म्हणून तळागळात जाऊन प्रचार केला. अजित सरकार यांच्या निधनानंतर त्यांनी माकपकडून पुर्णीया विधानसभा मतदारसंघातून निवडणूक लढवली होती. याशिवाय ते पूर्णियामधून तीनवेळा नगरसेवक म्हणून निवडून आले होते. माकपाचे विद्यमान जिल्हा सचिव तसेच जिल्हा परिषद सदस्य राजीव सिंह यांनी त्यांच्या निधनाबद्दल तीव्र शोक व्यक्त केला.

त्यांनी म्हटले की, सुनिल सिंह यांचे निधन हे पक्षासाठी आणि वैयक्तिकदृष्ट्याही मोठे नुकसान आहे. दिवंगत नेत्यांचे मार्गदर्शन आणि संघर्षमय जीवन हे पक्ष कार्यकर्त्यांसाठी नेहमीच प्रेरणादायी राहील. श्रद्धांजली सभेत डॉ. मनोज सिंह, सुदीप सरकार, रंजीत पाल, लालबहादूर उरांव, चंदन उरांव, सुधिलाल मुंडा, नारायण राम, मो. लुकमान, रत्नेश दास यांसह मोठ्या संख्येने पक्ष कार्यकर्त्यांनी पुष्पांजली अर्पण करत दिवंगत नेत्याला भावपूर्ण श्रद्धांजली वाहिली.