Uttarakhand Nainital Road Accident:

उत्तराखंडमधून एक भीषण अपघाताची घटना समोर आली आहे. उत्तराखंडच्या नैनीताल जिल्ह्यात प्रवाशांनी भरलेली जीप ५०० मीटर खोल दरीत कोसळली. या दुर्घटनेत सात जणांचा मृत्यू झाला. मृतांमध्ये लहान मुलांसह महिलांचा समावेश आहे. चालकाचे गाडीवरील नियंत्रण सुटल्याने हा अपघात झाल्याचे सांगण्यात येत आहे.

शुक्रवारी (१७, नोव्हेंबर) सकाळी आठ वाजतच्या सुमारास नैनितालच्या ओखल कांडा गावाजवळ एक जीप ५०० मीटर खोल दरीत कोसळली. या दुर्घटनेत सात जणांचा जागीच मृत्यू झाला असून अनेकजण जखमी झाले आहेत. जीपमध्ये क्षमतेपेक्षा जास्त लोक होते तसेच चालकाचे जीपवरील नियंत्रण सुटल्याने जीप खोल दरीत कोसळल्याचे सांगण्यात येत आहे.

अपघाताची माहिती मिळताच पोलीस आणि स्थानिकांनी घटनास्थळी धाव घेतली असून सध्या मृतदेह बाहेर काढण्याचे काम सुरू आहे. अपघातात झालेल्या गाडीत किती लोक होते याची माहिती अद्याप मिळालेली नाही. स्थानिक लोकांच्या म्हणण्यानुसार, अनेक लोक गंभीर जखमी असून त्यांना उपचारासाठी पुढे पाठवले जात आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बाहेर काढण्यात आलेल्या मृतदेहांमध्ये तीन महिला, एक बालक आणि तीन पुरुषांचा समावेश आहे. येथील रस्ता खराब असल्याने वाहन नियंत्रण सुटून खोल खड्ड्यात पडल्याचे ग्रामस्थांनी सांगितले आहे. सध्या घटनास्थळी लोकांना बाहेर काढण्याचे काम सुरू असून मृतांचा आकडा वाढण्याचीही शक्यता वर्तवली आहे. (Latest Marathi News)