उत्तर प्रदेशातील महोबा येथे २ भावांमधील अतुट जिव्हाळा पाहून तुमच्याही डोळ्यात पाणी येईल. आधी मोठ्या भावाचा मृत्यू झाला. नंतर छोट्या भावाला मानसिक धक्का बसला. या दुखा:त छोट्या भावानंही प्राण सोडले. एकाच घरातून दोन्ही भावांचा मृत्यू झाल्यामुळे कुटुंबावर दुखा:चा डोंगर कोसळला आहे. दरम्यान, गावात शोककळा पसरली आहे.

ही धक्कादायक घटना सुंगिरा गावातून समोर आली आहे. कल्लू कुशवाहा असे मोठ्या भावाचे नाव आहे. प्यारे लाल कुशवाहा असे छोट्या भावाचे नाव आहे. कल्लू कुशवाहा बराच काळ आजारी होते. त्यांच्यावर खासगी रूग्णालयात उपचार सुरू होते. शुक्रवारी सायंकाळी कल्लूचा उपचारादरम्यान, मृत्यू झाला.

छोट्या भावाला मोठ्या भावाच्या मृत्यूची बातमी कळताच मानसिक धक्का बसला. या धक्क्यामुळे छोट्या भावाचा मृत्यू झाला. या घटनेमुळे कुटुंबातील सदस्यांमध्ये गोंधळ उडाला. कुटुंबावर दुखा:चा डोंगर कोसळला. मिळालेल्या माहितीनुसार, मोठ्या भावावर छोट्या भावाचा खूप जीव होता.

कुटुंब गुण्यागोविंदाने राहत होते. कुटुंबाचा उदरनिर्वाह शेती करून चालत होता. दोन्ही भावांच्या मृत्यूनंतर लोकांनी सांगितले की, भावांमध्ये असे प्रेम क्वचितच दिसून येत होते. दोघांचे मृतदेह एकत्र बाहेर काढण्यात आले. दोघांवर अंत्यसंस्कार करण्यात आले. मृत्यूची बातमी कळताच गावकऱ्यांनी शोक व्यक्त केला आहे.