Uttar Pradesh News: उत्तर प्रदेशात एक विचित्र घटना घडली आहे. येथे पती कामानिमित्त दुसऱ्या शहरात गेला असता पत्नीला एकटेपणा जाणवू लागला. याच दरम्यान एकटेपणा दूर करण्यासाठी ती आपल्या मोठ्या दिरासोबत गप्पा गोष्टी मारत दिवसास घालवू लागली. गप्पा गोष्टी करत दोघे कधी एकमेकांच्या प्रेमात पडले, हे त्यांचं त्यांनाही कळलं नाही.

दोघे एकमेकांच्या प्रेमात इतके वेडे झाले की विसरून गेले की, या दोघांनाही तीन-तीन मुलं आहे. यातच विवाहित महिलेने अंधाराचा फायदा घेत असे काही केले की, याची चर्चा संपूर्ण गावात होत आहे.

मिळालेल्या माहितीनुसार, ही घटना उत्तर प्रदेशमधील रामपूर येथील आहे. येथे गावातील रहिवासी असलेल्या विवाहित महिलेचे तिच्याच दिराशी प्रेमसंबंध जुळलं. या महिलेला तीन मुले आहेत आणि तिच्या दिरालाही तीन मुले आहेत. दोघांमधील प्रेम इतकं वाढलं की महिलेच्या नवऱ्यालाही याचा सुगावा लागला नाही. या महिलेला तिच्या दिरासोबत राहायचे होते. महिलेने आपल्या दिरासोबत मिळून पळून जाण्याचा बेत आखला आणि एका रात्री दोघेही पळून गेले. (Latest Marathi News)

यानंतर महिलेच्या पतीने आणि नातेवाईकांनी दोघांचा खूप शोध घेण्याचा प्रयत्न केला. मात्र ते कुठेच सापडले नाहीत. शनिवारी दुपारी महिला आणि तिचा दीर गावातील पोलीस ठाण्यात आले. याची माहिती मिळताच महिलेचा पती, मुले व नातेवाईकही पोलीस ठाण्यात आले. जिथे महिलेच्या पतीने तिला समजवण्याचा प्रयत्न केला. पण दिराच्या प्रेमात वेडी झालेली महिला आपल्या तीन मुलांनाही सोडायला तयार होती.

दुसरीकडे दिरालही या महिलेसोबत राहायचं होतं. पोलीस ठाण्यात या दोघांचीही समजूत काढण्याचा खूप प्रयत्न करण्यात आला. मात्र दोघेही आपल्या निर्णयावर ठाम राहिले. पोलिसांनीही महिलेला समजावण्याचा प्रयत्न केला, मात्र महिलेने त्यांचंही ऐकलं नाही. हे दोघेही ऐकत नसल्याने पोलिसांनी महिलेला दिरासोबत जाऊ दिले.